2 KƆRINTIDENƆ 13

Lɛ́dammana kpɛkpɛ

1Ma suna á gwa gɛ̃̀n aakɔ̃den dí. Òdi yã pínki yãpura ma sèedade gbɛ̃nɔn pla ke gbɛ̃nɔn aakɔ̃ lɛ́i. 2Ma gĩnakɛ ma lɛ́ dà gbɛ̃ kũ ò durunna kɛ̀nɔa yã kũ gbɛ̃ kparanɔ dɔ ma suna á kĩnaa gɛ̃̀n pladeo, tera ma ɛra matɛn lɛ́ daḿma dɔ bee kũ má kú kãáoro, tó ma ɛra ma su dɔ, mani ń gbɛ̃ ke tóro yoo! 3Átɛn sèeda wɛtɛ kũ Kirisi tɛn yã o ma gãin yá? Tɔ̀! Adi kɛ Kirisi gbãna sarinlo, à gbãna á tɛ́. 4Bee kũ à gà lía gbãnasarikɛ gũn, à kun tera kũ Luda gbãnaomɛ. Lɛmɛ kunna a gũn ó kú kũ gbãnasarikɛo lɛ se, ama ónigɔ̃ kú kãao á tɛ́ kũ Luda gbãnao.

5À á zĩda tàasi ká à gwa, tó á kú Yesu Kirisi náanikɛnaa gũn. À kɛkɛ à á zĩda gwa. Á dɔ̃ kũ Kirisi kú á gũnloo? Tó lɛnlo, a funamɛ. 6Má dɔ̃ kũ áni e ódi fuaro. 7Ótɛn wɛ́ kɛ Ludaa de àsun yã vãni ke kɛro. Adi kɛ de gbɛ̃nɔ ó zĩ sáabu kpá yãinlo, de à a mana kɛ yãimɛ, bee tó òtɛni ó gwa gbɛ̃ funanɔ ũ. 8Óni fɔ̃ ò bo yãpura kpɛro, sé ò zɛ́o. 9Tó ó gbãna vĩro, akũsɔ̃ á gbãna, ó pɔ dìgɔ̃ nnamɛ. Odì adua kɛárɛ de à kɛkɛ à bo mana. 10Ma yã birenɔ kɛ̃̀árɛ kũ má kú kãáoro, de tó ma su, màsun kɛárɛ pãsĩ kũ doka kũ Dikiri kpàmaoro. À kpàma á zĩnipɛtɛna yãimɛ, adi kɛ á lɛtɛna yãinlo.

11Tɔ̀, ma gbɛ̃nɔ, à pɔnna kɛ. À yã kɛkɛ à bo mana. À ma lɛ́damma ma. À lɛ́dokɔ̃nɔ kɛ àgɔ̃ nna kũ kɔ̃o, Luda yenyĩde aafiade gɔ̃ kú kãáo. 12À fɔ kpákɔ̃a kũ Luda gbɛ̃nɔ lɛ́pɛmmanaao. Luda gbɛ̃nɔ fɔ kpàáwa ń pínki. 13Dikiri Yesu Kirisi gbɛ̃kɛ kɛárɛ, Luda gɔ̃ yeái, kɔ̃gbɛ̃kɛna gɔ̃ kú á tɛ́ kũ Luda Ninio á pínki.

Currently Selected:

2 KƆRINTIDENƆ 13: BB2005

Highlight

Copy

Compare