2 KƆRINTIDENƆ 10
10
Pɔlu gina kũ a zĩdao a zĩ yã musu
1Makũ Pɔlu, ma kútɛ kɛ̀árɛ kũ Kirisi nɛ̀sɛyĩdao kũ a busɛkɛo, makũ kũ òdi pi, tó má kú kãáo má busɛ, tó má kú kãáoro sɔ̃, madìgɔ̃ pãsĩárɛ. 2Ma wɛ́ kɛ̀áwa, tó ma su, àsun tó màgɔ̃ pãsĩ kãáoro, zaakũ mani fɔ̃ màgɔ̃ pãsĩ kũ gbɛ̃ kũ òdi pi andunia yã mɛ́ àtɛn dowɛrɛ arɛnɔo. 3Ó kú andunia gũmmɛ, ama odì zĩ̀ ká lán andunia gbɛ̃nɔ bàro. 4Ó gɔ̃kɛbɔnɔ bi andunia pɔ́nlo, Luda gɔ̃kɛbɔ gbãna kũ odì zɛki gbãnanɔ gboroonɔmɛ. Odì ɛ́kɛ lɛ́kpakɔ̃ananɔ gboroo 5kũ yɔ̃̀gɔ̃ yã kũ àdi gíńnɛ ò Luda dɔ̃o pínki. Odì laasun sĩnda pínki milɛ ble, de ò mì natɛ Kirisinɛ. 6Tó a mìi nàtɛwɛrɛ mámmam, o laka kũ ò wɛ́ tã sãyãmarisaridenɔa.
7Adì yã gwa musumɛ. Tó gbɛ̃ a zĩda náanikɛna kũ Kirisi pɔ́n a ũ, ade gɔ̃ dɔn kũ Kirisi pɔ́n ó ũ lán a bà se. 8Bee tó ma lɛ́ gbɛ̃̀ à kɛ̀ zɔ̃kɔ̃ doka kũ Dikiri kpàwá yã musu, wé'i ni ma kũro, zaakũ á zĩni pɛtɛna yãimɛ, adi kɛ á lɛtɛna yãinlo. 9Àsun kɛ lándɔ̃ má ye mà vĩna dadaái kũ ma takadakɛ̃naao bàro. 10Òdi pi ma takadanɔn bɛ̀ɛrɛ vĩ, akũsɔ̃ ò gbãna, ama tó ò wɛ́ sìmalɛ, àdi ń kũ gbãnaro, ma yã dì ká pɔ́ke lɛ́iro. 11Gbɛ̃ kũ òtɛn o lɛnɔ gɔ̃ dɔ̃ kũ lákũ ó yãnɔ de nà takadanɔ gũn tó ó kú kãáoro, lɛn óni kɛ lɛ, tó o kɔ̃ è.
12Dín ó ũ ò ó zĩda kɛ lɛɛlɛ kesɔ̃ ò ó zĩda lɛkɔ̃a kũ gbɛ̃ kũ òtɛni ń zĩda sáabu kpánɔo. Tó ò ń zĩda kpàkũsũ kɔ̃o kesɔ̃ ò ń zĩda lɛ̀kɔ̃a kɔ̃o, òdigɔ̃ ɔ̃ndɔ̃ro. 13Ókɔ̃nɔ sɔ̃, óni lɛ́ gbɛ̃ de a lɛ́laro. Óni gbɛ̃ ikokɛki kũ Luda dìtɛwɛrɛ lɛ́mmɛ, kũ à à kà á kĩnaa se. 14Lákũ o ka á kĩnaa nà, ótɛn vĩ ó ikokɛki lɛ́laro, zaakũ o su kũ Kirisi baaru nnao ari á kĩnaa káaku. 15Odì lɛ́ gbɛ̃ de a lɛ́la, ò gbɛ̃ pãndenɔ zĩ ká ó pɔ́laro. Zaakũ á ludanaanikɛna tɛn kara, ó ye zĩ kũ ótɛn kɛ á tɛ́ ɔ tá manamana ari à ká ikokɛki kũ Luda dìtɛwɛrɛ lɛ́n, 16de ò gɛ́ ò baaru nna pì kpá bùsu kũ ò kú á arɛnɔ gũn, lɛ́gbɛ̃na kũ gbɛ̃ pãndenɔ tàragaabanaao sari. 17Tó gbɛ̃ ye à lɛ́ gbɛ̃, à gbɛ̃ Dikiri yã musu. 18Adi kɛ gbɛ̃ kũ àdi a zĩda sáabu kpá mɛ́ à manaro, sé gbɛ̃ kũ Dikiri dì a sáabu kpá.
Currently Selected:
2 KƆRINTIDENƆ 10: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
