1 PITA 3
3
Kunna kɔ̃o
1Nɔgbɛ̃nɔ sɔ̃, à á zĩda kpá á zãnɔa. Tó ń gbɛ̃kenɔ tɛn Luda yã daro, á kunna ni ń litɛ. Bee tó ádi yãke ońnɛro, 2oni e kũ á kun gbãsĩ sari, akũsɔ̃ a á zĩda kpàḿma. 3Àsun tó á nɔmanakɛ gɔ̃ mɛ̀ yã ũro, mìtãna ke nɔmanablebɔnɔ ke pɔ́kasadanaan yá. 4Ama àgɔ̃ de á nɛ̀sɛgũnyã kũ àdi lákaro ũ, nɛ̀sɛyĩda kũ zĩdabusanaao. Abirekũ mɛ́ à bɛ̀ɛrɛ vĩ Ludanɛ. 5Zaakũ lɛn nɔgbɛ̃ donyĩri kũ ń wɛ́ dɔ Ludai yãnɔ ń zĩda kɛ̀kɛ lɛ, ò ń zĩda kpà ń zãnɔa. 6Lɛn Sara de lɛ, àdi Ibrahĩ yã ma, àdi a sísi Baa. Tó átɛn yã mana kɛ, tó átɛn pɔ́ kũ òdi vĩna kɛnɛ yã daro, a Sara dàa sɛ̀n gwe. 7Gɔ̃gbɛ̃nɔ sɔ̃, àgɔ̃ kú kũńwo nɔgbɛ̃kɛ dɔ̃nnɛnaa gũn, àgɔ̃ yã maḿma, de pɔ́ke sún kpáárɛ á aduakɛnaa gũnlo, zaakũ á de wɛ̃̀ndi gbablerinɔ ũ lɛɛlɛmɛ.
8Abire gbɛra àgɔ̃ lɛ́dokɔ̃nɔ vĩ kɔ̃o á pínki. Àgɔ̃ kɔ̃ wɛ̃nda dɔ̃, àgɔ̃ yekɔ̃i, àgɔ̃ gbɛ̃kɛ vĩ kɔ̃o, à busakɔ̃nɛ. 9Àsungɔ̃ a vãni fĩna bo kũ a vãnioro. Àsungɔ̃ gbɛ̃ kũ à á sɔ̃sɔ̃ sɔ̃sɔ̃ro. À sa mana onɛ, zaakũ Luda á sisi de à arubarika daágu yãimɛ.
10Gbɛ̃ kũ à ye àgɔ̃ kú nnamanan,
akũsɔ̃ à ye a kunna gɔ̃ mana,
à a lɛ́ kũ kũ yãvãni'onaao,
àsun tó ɛ́kɛ bo a lɛ́nlo.
11Ade kpɛ li a vãninɛ, à a mana kɛ,
à aafia zɛ́ wɛtɛ àgɔ̃ tɛ́i.
12Zaakũ Dikiri dìgɔ̃ gbɛ̃ mananɔ tàasi ká,
a sã kpá ń aduakɛnaai,
ama àdi mìkpɛrɛ zu yãvãnikɛrinɔnɛ.
Wɛ́tãmmana yãmanakɛna yãi
13Tó á kokari vĩ kũ yãmanakɛnaao, dí mɛ́ ani wɛ́ tãáwaa? 14Bee tó a wari kɛ̀ yãmanakɛna yãi, á arubarika vĩ. Àsungɔ̃ vĩna kɛ ń wɛ́tãmmanaanɛro, àsun tó á swɛ̃̀ kɛ̃águro. 15À Kirisi dɔ̃ Dikiri ũ á swɛ̃̀ɛ gũn. Àgɔ̃ kú soru gũn gɔrɔ sĩnda pínki, de à le à yã we gbɛ̃ kũ àtɛni á la yã kũ á wɛ́ dɔii mìiia. 16Àgɔ̃ ońnɛ busɛbusɛ kũ bɛ̀ɛrɛlinnɛnaao. À ońnɛ kũ nɛ̀sɛpurao dɔ, de wé'i gbɛ̃ kũ òtɛni á sɔ̃sɔ̃ á yãmanakɛna Kirisi gũnnɔ kũ. 17Warikɛna Luda pɔyenyĩnaa gũn yãmanakɛna yãi mana de warikɛna yãvãnikɛna yãila.
18Kirisi gà gɛ̃̀n do durunnakɛ̃mmana yãi. Taarisaride gà ókɔ̃nɔ taaridenɔ yãi, de à le à gɛ́ kũoo Luda kĩnaa. Ò a dɛ̀ mɛ̀ɛ gũn, akũ Luda a vù ninikɛ gũn. 19A ninikɛ pìi gũn à gɛ̀ɛ à waazi kɛ̀ gyãwãnde kũ ò ń ká kpɛ́sirannɔnɛ. 20Ò bò Luda yã kpɛmɛ yã, gɔrɔ kũ à mɛna ari Nuhu gɛ̀ɛ à gó'itɛ kɛ̀ à làkao. Gbɛ̃ kũ ò bò ín aafia gó pì gãinɔn dasiro, gbɛ̃nɔn sɔraakɔ̃. 21Í pì mɛ́ à de á da'itɛkɛna kũ àdi á sura ba tera taka ũ. Da'itɛkɛnaa pì bi mɛ̀ gbãsĩworona yãnlo, lɛ́sɛna Ludanɛ kũ nɛ̀sɛpuraomɛ. Àdi ń sura ba, kũ Yesu Kirisi bò gan yãi. 22À gbãna blè malaikanɔa kũ tãnanɔ kũ ń gbãnadenɔ kũ ń ikodenɔ, akũ à tà ludambɛ, à kú Luda ɔplai.
Currently Selected:
1 PITA 3: BB2005
Highlight
Copy
Compare
Share
Want to have your highlights saved across all your devices? Sign up or sign in
Bisã Bible © SIM International, 2005.
