1 YUHANA 1

Yã wɛ̃̀ndide

1Yã kũ à kun zaa káaku kũ o a yã mà, akũ o a è kũ wɛ́o, o a gwà, o ɔ nàa, yã wɛ̃̀ndide pì baaruun ótɛn kpáárɛ. 2Wɛ̃̀ndide pìi bò gupuraa, o a è, ókɔ̃nɔmɛ a sèedadenɔ ũ. Wɛ̃̀ndide pì kú De Luda kĩnaamɛ yã, akũ à bò à sùwá. A baaruun ótɛn kpáárɛ. 3Yã kũ o mà, akũ o èen ótɛn oárɛ, de ákɔ̃nɔ se à le àgɔ̃ kú kũoo kɔ̃ gbɛ̃nɔ ũ, zaakũ ó kun kɔ̃ gbɛ̃nɔ ũ kũ De Ludaomɛ kũ a Nɛ́ Yesu Kirisi pìio. 4Ótɛn yã dínɔ oárɛ de ó pɔnna le àgɔ̃ papana.

Luda bi gupuramɛ

5Baaru kũ o mà a kĩnaa, ótɛn kpáárɛn dí: Luda bi gupuramɛ, gusira kú a kĩnaaro, bee fíti. 6Tó o pì ó kú kãao kɔ̃ gbɛ̃nɔ ũ, akũ ó kú gusiran, ɛ́kɛn ótɛn to, ótɛn zĩ kɛ yãpuraaro. 7Tó ó kú gupuran, lákũ Luda kú gupuran nà, gbasa ó kun kɔ̃ gbɛ̃nɔ ũ, a Nɛ́ Yesu aru dì ó durunna sĩnda pínki kɛ̃wá.

8Tó o pì ó durunna vĩro, ótɛni ó zĩda kɛkɛmɛ, yãpura kúwáro. 9Tó o ó durunnanɔ ò Ludanɛ, à náani vĩ, àdi yã kɛ a zɛ́a, ani ó durunna pìnɔ kɛ̃wá, ani yã bɛ̃̀nɛ pínki gowá. 10Tó o pì ódi durunna kɛro, o Luda dìtɛ ɛ́kɛde ũmɛ, a yã kú ó swɛ̃̀ɛ gũnlo.

Currently Selected:

1 YUHANA 1: BB2005

Highlight

Copy

Compare