Okwan 7
7
1Mú onyinchéng o-faa o/fu,
wo kiinkaa-byiko-wǎn-onyinyi.
Bunong ḿbú byiká eyên ké byiká-abe boo*nwa eri*.
Biǐgogégogé-anam eyên mbyi wǎ aká nyí adashwane kasî nyí onet-mpwô odachi.
2Dyicáng ndyi ányi ńdyí bato ḿbé badabwóm baa*man*.
Dyifít eyên ndyi wǎ esang-byichí
nyí nyi ne ekong-biǐbyâa wângwâng.
3Abî eyên nyi wǎ bwǎn-etong ḿbé ba/fwon kámbé afúng.
4Kyitông eyên nkyi wǎ kiǐnyáám-kyise-mbâm
ńkyí ba/bi ké asháng-eshwa.
Achi eyên nyi wǎ biǐdé-omu ḿbyí ké oshê mú Héshibon,
ḿbyí mbyi ké dyifyi-kiǐtí-oshê ánkyi.
Ozóng eyên mu o-nwa ng wǎ kiǐnyáám-kyise-mbâm ńkyí Lebánon,
ńkyí mbe ba-bám m oshê-Damásákus.
5Amu a-níbî ng dyishí eyên kyíbóng nyáám wǎ kaku ńké Kámel.
Eji eyên nyí ba/tím nyi e-san n wǎ kyídí-otu ńkyí kyinong kyinong.
[Bunong] ḿbú eji eyên bu-man n echi otu oo*nyît to ńkyí odachi*.
6Wo amu a-nwa ng bunong kanong kanong,
ne bunyîn-dyityém ḿbú kyijé eyên mbu kerededet.
7Wo a/nwa wǎ buyêp,
ne abî eyên nyi wǎ byirim emen.
8Me n/chi n-yú buyêp ámbu n-zûu esô emen.
Abî eyên nyi mě wǎ biǐsâ-byirim-byichí.
Kyinung-kiǐnjáng eyên nkyi wǎ ńkyí byirim-byichí ḿbyí byidanyîn,
9ne ocím eyên mu wǎ bato ḿbé banong banong.
Mú onyinyi o/chîfaa o/fu,
mîng kâng bato ámbe ba-sen ba-kâm ókyî ejí
ké [byibî-ocím emen ne ké asháng emen.]
10Me n/já ókyî ejí, ne mu n-jê ng ǎ.
11Ókyî, bâ byi-dim ké kyifát byi-da-rí ké [boǒshê.]
12Be byi/chi byi-jwóbê pirípirí byi-da-tún byichí
byi-ri â bii/kpet ebyí eshǎan,
ne â ekong emen e-kú e-nere ng,
ne â byichí ḿbyí badakó pamagáránat byi-kú byi-chi i ekong.
Ányi nké me n/chi n-tông ǒ kyijé ejí.
13A-man n ejwo kyinung-kyichí ńkyí badakó mándarak,
ne kángkáng byirim-byichí ḿbyí byidanyîn mbyi bě fáráng ké dyifyi.
Ókyî, me nn/tî ǒ bunyîn-dyityém ḿbú kpákpá ne ḿbú bufyîfî.
Currently Selected:
Okwan 7: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
