Okwan 6
6
1Ḿbé banyinyi ba/chîfaa ba/fu,
onyinyi mú o/nwa o-shwôm kángkáng banyinyi,
ókyî eyên oo/jé nyá.
Sét bě kyicê ńkyí ókyî eyên o/jé
eringe nyí be byida ǒ echwáp a-kyé ǎ.
Mú onyinyi o-faa o/fu,
2ókyî ejí oo/wâa ké kyifát emen
ké kyikit ńkyí byíkwôn ḿbyí byidanyîn kyinung mbyi byi-kán n.
Nyǐ mu o-nen n ebû emen ké dyikán
ne mu o-két ng ekong-biǐbyâa.
3Ókyî ejí o-chi i mú ejí,
me to n-chi i mú emen.
Nyǐ mu ké biǐbyâa o-nen n ebû emen.
Ekwan Etánge
Mú onyinchéng o-faa o/fu,
4ókyî ejí, wo amu a-nwa ng wǎ Jerúsélem,
amu a-nwa ng wǎ oshê mú Tyíza
[ne amu a-nwa ng a-shwôm wǎ biǐtí-eshê ḿbyín.]
5Bírî achi eyên kú,
ké nǎ, nyǐ a*fí a-mîng ng mě n-chi chwǒm*.
Eji eyên nyi wǎ dyibóng-ebû nyí nyi e-pyiryi ng e-shû eku nyí Gyílet.
6Asháng eyên nyi a-cé ng kpárádádát
wǎ dyibóng-ebû ńdyí ba/kôo kándyí omu abeabe.
Busháng nang bubónge bu*da/tánê*.
Nyǐ kángkáng a/tyeem.
7Ánán eyên nyi a-san n ké kafâ-kaǎsém eyên ńké a/cít.
8Nang otu o-kyú ne bajam-banyi bachât,
ne bajam-banyi ḿbé bwǎsíng,
ne ocím-ásé mú oo*nwa epan*
9me onyinyi obónge nké nke mu o-jê ng mě,
ne nyǐ mu o-nwa ng wǎ karúú.
Nyǐ mu ncen-wǎn-onyinyi mú boné emen.
Nyǐ mu wǎn-dyityém-boné.
Kángkáng banyinyi mbe ba-tún n ǎ ba-kpee ng ǎ.
Banyi-batu ne banyi ḿbé bwǎsíng mbe ba-kwán n ǎ ekwan-akpee.
10Yeě něen mú achi emen nyi wǎ kiinwángé ńkyí dyicófóróng.
Nyǐ mu o-nwa ng bunong ne mu kpárám.
[Nyǐ mu o-san n wǎ óbyísû ne wǎ otukáku.]
11Me n/shû kaku n-ca dyijî-byichí ḿbyí badakó ámon
n-da-ri boosu-byichí ké owo,
n-ri eshǎan nyí efyîfî nyí ee/byí ké byichí
ne ekong nyí ee/chi ké byichí ḿbyí badakó pamagáránat.
[ 12Me mu n-tím m banê.
Wo aa/chi mě n*fí to m-man n ekám byiko kyi-kim ne kyijé*
éné wǎ ntut mútu mú mu o-dim m byití.
Ḿbé banyinyi ba/chîfaa ba/fu,]
13wǎn-onyinyi mú o/fím Shúlam, [ne ane.]
Mîng bě byi-tún ǒ ké nkéré a-kú a-ne ng ane.
Mú onyinyi o-faa o/fu,
ebóng ńkyí ben bada mě etún ké nkéré n-kú n-ne ng ane ké bushú-banet.
Currently Selected:
Okwan 6: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
