Okwan 3
3
1Kángkáng dyicí, me m/mû n-ri ng onet mú mu o-jê ng mě ké burê
ké nkéré n-kú n-rê ng ké karíng ejí.
Me m/mû n-kyé ng ǎ, nké n*da ǎ eman eri*.
2Me n/yêe ké oshê omúmú ne ké byiká-oshê ne ké bantim-byikit.
Me n/kyé onet mú mu o-jê ng mě.
Me n/kyé, nké n*da ǎ eri*.
3Banet ḿbé mbe ba-bám m oshê ba/ri mě.
Me m-bí kámbé n/fu,
ben ba/ri onet-kyijé ejí?
4Me n/ri ǎ ńdyí m-mîng ng kámbé m-bâ.
Me n/níbî ǎ, n*da ǎ ebángê o-dim*
tete n-kúng ǎ byi-dim ké kyise ńkyí boné ejí,
ké nfût mú ba/mû ba/fwon mě.
5Banyinyi-Jerúsélem, ryí n̂g mě ocím ba-sem
ké dyizîn ńdyí enyam nyí edakwáng e-shwôm etong ba/fu,
ben baa*ba/chi ba-két bě kyijé eten echi*.
Ekwan Echât
Mú onyinyi o/chîfaa o/fu,
6ebóng chwǒm kyi/fím ké kyikim-dyikán nkyi kyi-bâ něen wǎ okpí-arúkwâ
ne kyinung ńkyí burwan ḿbú badakó mîi
ne faránkínsen ne kángkáng bakút-kyinung
ḿbé bancen kasî mbe ba-shee ng.
7Otu Sólómon nké ba/tû ǎ ké kakyúng-butu emen mu o-bâ.
Bajam-basúja bachât ḿbé ba/nwa ba-shwôm basúja ké Ézerel nké mbe ba-bám m ǎ.
8Mbé kángkáng ba-nyît ng kanong kanong eringe nyí badanwa byití ké kashwám,
ne ba-chi i bachíchí-bannwa byití.
Nang yeě mu ne kashwám ké osín bwábwá
o-bám m â bunwa bu/chi bu-róng ne buchú.
9Baa/tû Otu Sólómon ké kakyúng-butu ńké ba/chi ké kyichí ńkyí kyinong kyinong.
10Baa/mwane syílyíba ké byikwap emen kángkáng.
Ba/cít kánké ne kyídí ńkyí ba/tím kánkyí ké bacat-gûl.
Bukyúng emen ba/cít kámbú ne kyídí ńkyí nkyi shíshét,
ńkyí banyinyi-Jerúsélem ba/tím ne kyijé.
11Banyinyi-Záyon, bâ n̂g ba-ba-ri Otu Sólómon.
Nyǐ o/cít etam-butu nyí boné emen o/cít ǎ ké dyishí,
ké dyicí-dyibé emen ńdyí bunyîn-dyityém ne ojêe.
Currently Selected:
Okwan 3: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
