Sâm 97
97
Osówo nké mu Otu mú o/rêe o-shwôm
1Óburúkpâbí nké mu Otu.
Ejíí, kyú ké bunyîn-dyityém.
Ben, ǎ esí nyí baya ḿbé baryên ba/wáp kányí, jêe n̂g.
2Bubóng ḿbú boo/jîi bu/wâng ǎ.
Kanong echi ne ntûntû esét nké mbyi wǎ kyikû-ekpe ńkyí kakyúng-butu emen.
3Okwâ mu o-mang ng o-câ ǎ ké kashú,
ne mu o-shí i banet-bushwôn emen ḿbé ba/wâng ǎ.
4Kasabang emen nke ka-kyâ ejíí kiinwángé.
Ejíí nyi e-ri ng kánké e-tím m banê.
5Eku nyi e-nyange e ké bushú-Óburúkpâbí
wǎ burwan ḿbú ba/fé ké okwâ,
ké bushú ḿbú Óburúkpâbí mú ejíí emúmú.
6Bubóng mbu bu-sét ng kyi-kim ne kanong emen echi,
ne ejíí emúmú nyi e-ri ng busa emen.
7Nang yeě mú mu o-kyâ erím-bakye ofê ba/chi ba-wuri ǎ éshwân.
[Kángkáng esówo, e-tíngê e kyísí] ké bushú ḿbú Óburúkpâbí.
8Banet ḿbé Záyon mbe ké bunyîn-dyityém,
ne eshê nyí Júda nyi e-jêe ng
ké bubwô ḿbú mpan eyên ekét, ǎ Óburúkpâbí.
9Óburúkpâbí mú o/rêe o-shwôm,
wo amu Otu mú ejíí emúmú.
Wo a/rêe a-shwôm kángkáng esówo.
[ 10Banet ḿbé kyibî kii*nyîn kámbé* nké badajê Óburúkpâbí.]
Nyǐ mu o-bám m akpen nyí banet emen.
Nyǐ mu o-nyii ng kámbé ké abwô nyí bambên atyém.
11Kiinwángé nkyi kyi-san n banet ḿbé mbe ba-chi i kanong,
ne bunyîn-dyityém mbu ne banet ḿbé banong.
12Ben kángkáng mú bamu ba-chi i kanong,
kyú n̂g ké bunyîn-dyityém ké bubwô ḿbú ńkyí Óburúkpâbí oo/chi.
Zîim m̂ ńkyí Osówo mú o/nwa o-shwôm oo/chi,
ba-kó ǎ asǎma.
Currently Selected:
Sâm 97: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
