Sâm 96
96
Osówo nké mu Otu mú o/rêe o-shwôm
(1 Korónyíkil 16:23-33)
1Kwán n̂ okwan mú ofyîfî ba-kye Óburúkpâbí.
Kángkáng banet ḿbé ké ejíí,
kwán n̂ ekwan ba-kye Óburúkpâbí.
2Kwán n̂ ekwan ba-kye Óburúkpâbí ba-kpee ǎ.
Kángkáng dyicí,
sét n̂g bǎmpém ḿbé banong ḿbé nyǐ o/nyii bě.
3Sét n̂g eshê kángkáng kyi-kim ne busa emen.
Sét n̂g banet kángkáng kyi-kim ne biǐtí-byěm ḿbyí nyǐ oo/chi.
4Óburúkpâbí o/rêe ne ba-man ba-kye ǎ akpee kanong kanong.
Ba-man ba-kye ǎ ofê ba-shwôm esówo kángkáng.
5Esówo nyí eshê nyí áku kángkáng nyi erím-bakye
nyí e*da/byí chwǒm*.
Óburúkpâbí nké o/chi bubóng.
6Ofê ne butu byi/já ǎ,
busa ne bunong bii/sú ké kiǐtí-kyise-kyifen emen echi.
7Kángkáng banet ḿbé ké ejíí,
kye n̂g Óburúkpâbí akpee.
Kpee n̂g kiǐtí-busa emen.
8Kpee n̂g dyizîn ńdyí Óburúkpâbí ńdyí ndyi kiǐtí.
Bâ n̂g ké kafâ-kiǐtí-kyise-kyifen emen echi ne eyáré.
9Tíngê ê kyísí ké bushú ḿbú nyǐ mú o/nwa o-shwôm
[ké nkéré oo/byí kyíjí wááng.]
Kángkáng banet ḿbé ké ejíí,
tím m̂ banê ne bushî ké bushú emen.
10Sét n̂g eshê kángkáng ba/fu,
Óburúkpâbí nké mu Otu.
Óburúkpâbí oo/nap ejíí o-tî ké kyikit emen ne ee*nwa efîm*.
Nyǐ o/chi o-pan kángkáng banet mpan mú oo*ryí acît*.
11Bubóng ne esí, kyú n̂g ké bunyîn-dyityém.
Baya ḿbé baryên ne kángkáng byěm ḿbyí mbyi ké mbé, byirime.
12Dyikán ne kángkáng byěm ḿbyí mbyi ké ndyí, byijêe.
Byichí ḿbyí mbyi ké dyikán byi/chi byi-jêe ne ejá kyíbóng
13ké nkéré Óburúkpâbí oo/bê ejíí eníbî wǎ Otu.
Nyǐ o/chi o-níbî ejíí kerededet, acît oo*ryí*.
Currently Selected:
Sâm 96: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
