Sâm 91
91
Osówo, Onet-Onyii Eten
1Nang yeě mú o/ce o-kâm Osówo mú kyíbóng kyíbóng,
ne nang yeě to mú mu ké onyii mú Osówo mú o/rêe o-shwôm,
2onet ámu o-man n esét Óburúkpâbí o/fu,
wo nké amu onet mú mu o-ku ng mě,
ne Onet-Onyii ejí.
Wo nké amu Osówo ejí.
Wo nké me n/fé dyityém.
3Osówo o/chi o-chi ǒ a-fem ké kángkáng efene
ne ké kángkáng byirwóm-bukyû.
4Nyǐ o/chi o-cít ǒ abyibabang emen.
Chwǒm kii*ba/chi kyi-ta ǒ* ké obâm emen*.
O/chi o-ku ǒ ne o-nyii ǒ to eringe nyí nyǐ o/ryí ocím.
5Kyi*fí ńkyí adashî ofene nang obónge ne buchú*
nang ba/rim bunwa ne wo ne esû*
6nang kyirwóm ekám ne kyifip*
nang kyibî-chwǒm ńkyí kyida ǒ eju ne esû*.
7Nang bajam-égot-banet ba/kpú ké bukô eyên,
nang bajam-égot-banet diǐkpú ba/kpú ǒ wângwâng,
wo chwǒm kii*ta ǒ*.
8Wo a/chi a-tún a-ri eringe nyí Osówo o/chi o-kye byibî-banet busông.
9Wo aa/chi Óburúkpâbí Onet-Mbâm eyên,
a-chi Osówo mú kyíbóng kyíbóng Onet-Onyii [eyên.]
10Ké bubwô ámbu, kyibî-chwǒm kii*ta ǒ*.
Afaníkong a*fí nyí a/chi a-bâ ké kyise eyên*.
11Osówo o/chi o-kye barím emen busa ba-tún ǒ kanong kanong,
ba-bám ǒ nang nyá nké a/ce.
12Mbé ba/chi ba-níbî ǒ kyíbóng zírízírí ké abwô ebe
eringe nyí wo aa*ba/chi a-némê byiká eyên ké aká*.
13Wo a/chi a-cím ekpang ne efyi a-ju.
14Osówo o/raa o/fu, me n/chi n-nyii banet ḿbé me mu n-jê ng kámbé.
Me n/chi n-kûtún banet ḿbé mbe ba-nyît ng dyizîn ejí.
15Me n/chi n-faa kámbé ké nkéré mú mbé baa/kó mě.
Me n/chi n-kyú ne mbé
ké nkéré mú ba/firi ké afaníkong.
Me n/chi n-nyii kámbé n-kye kámbé ofê.
16Me n/chi n-chi kámbé ba-kpen kanong kanong.
Me n/chi n-nyii kámbé.
Currently Selected:
Sâm 91: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
