Sâm 88
88
Bukyû etii ké Ochwâp
1Osówo Óburúkpâbí, Onet-Onyii ejí,
me mu n-kó ng ǒ kyirim-dyicí kángkáng,
ne mu n-tii ng bukyû ké bushú eyên ne buchú.
2Jwo nshwam ejí.
Fwôo atông a-jwo bukyû ejí
ḿbú mu n-tii ng n/fu, chwáp mě.
3Ké nǎ, afaníkong chwóó aa/róng mě,
ne nn/fárâng bukyû.
4Me n/firi wǎ banet ḿbé áku kángkáng ḿbé ba-kú ba-bâ ekpú.
[Busa ejí boo/man mě kángkáng.]
5Wo aa/né mě n-waa ne banet ḿbé baa/kpú.
Me n/firi wǎ banet ḿbé baa/ju ba-twóp ké kafâ-akun.
N/firi wǎ banet ḿbé wo aa/ráp kámbé kángkáng,
ḿbé ochwâp eyên o*fí to kámbé*.
6Wo aa/twóp mě ké kafâ-dyikun.
Aa/twóp mě ké kiǐríbíríbí-dyibíng ńkyí kyifip kyi/jê kyi-shwôm.
7Kafâ eyên esa kaa/sú mě ne burô ké byiko,
ne burô ámbu boo/shiryi mě bu-fé kyísí.
8Wo aa/chi bacín ejí ba-né mě,
ne aa/chi mě n-firi kámbé onet-ociring.
Baa/wâng mě, ne nn*fem*.
9Achi ejí a/firi kyeekyee ké busông ḿbú mu n-ri ng.
Óburúkpâbí, me mu n-kó ng ǒ [kángkáng dyicí,]
ne mu n-nap ng abwô ejí kyíbóng ké nshwam efé.
10Wo amu a-chi i biǐtí-akat a-kye banet ḿbé baa/kpú dí.
Mbé mbe ba-jwóbê ng ba-kyâ ǒ akpee dí.
11Mbe ba-raa ng ké oshê-bakúsí kyi-kim ne kyijé eyên ńkyí kii*man* dí,
nang kyi-kim ne ocím eyên eryí mú aa*bên*
ké kyikit-bukyû dí.
12Mbe ba-ri ng biǐtí-akat eyên ké kyikit-kyifip ánkyi dí,
nang kanong eyên ké esí nyí baa/ráp kámbé dí.
13Óburúkpâbí, me mu n-kó ng ǒ n/fu, chwáp mě.
Me mu n-fâ nshwam kángkáng dyicófóróng n-kyâ ǒ.
14Óburúkpâbí, ebóng ńkyí wo a/né mě,
a-bírî mě esim.
15Me nn/ri busông,
ne nn/fárâng bukyû kyi-fím ké nkéré mu kaǎwásíng.
Burô ḿbú busông eyên [boo/man mě asa.]
16Kiǐtí-kafâ esa eyên nke ka-shiryi ng mě.
Kiǐtí-bunwa eyên ne me mbu bu-ju ng mě.
17Kyirim-dyicí kángkáng, mbe ba-wâng ng mě wǎ kiǐsúsú-kace.
Mbe ba-fárâng ng mě ba-bâ byicê byimúmú.
18Wo aa/chi nang bacín-dyityém ejí ba-né mě,
ne kyifip nké kyi/firi mě onet-byicen ejí.
Currently Selected:
Sâm 88: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
