Sâm 87
87
Ba/kpee Jerúsélem
1Óburúkpâbí o/bi oshê mú emen ké kaku emen ńké Záyon.
2Oshê mú Jerúsélem o-jê ng ǎ o-shwôm oshê nang orá ké Ézerel.
3Oshê mú Osówo, fwôo atông ké biǐtí-byěm ḿbyí Óburúkpâbí mu o-sét ng kyi-kim ne wo o/fu:
4Me n/chi n-sáng n-fé Éjip ne Bábyílon
ké nkéré n-kú n-sáng ng azîn-eshê nyí nyi e-chi i ńkyí n/sét.
Me n/chi m-pan n-fé banet ḿbé Fyilíta ne ḿbé Táya
ne ḿbé Etyǒpya ké banet ḿbé Jerúsélem.
5Ba/chi ba-sét kyi-kim ne Záyon ba/fu,
kángkáng eshê e/fím ányi.
Ba/chi ba-sét to ba/fu,
Óburúkpâbí mú o/rêe o-shwôm o/chi o-chi Záyon o-shwane.
6Óburúkpâbí o/chi o-sáng otáng-azîn-banet
o-fé kámbé kángkáng wǎ bayén-oshê mú Jerúsélem.
7Mbé ba/chi ba-kwán ekwan ba-ne ane ba/fu,
kángkáng banjware eten mbe ba-fím m ké Záyon.
Currently Selected:
Sâm 87: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
