Sâm 85
85
Nshwam eringe nyí Oshê odakyú Kanong
1Óburúkpâbí, wo aa/ri banet eyên bafip.
Wo aa/chi Ézerel e-chîjá byěm.
2Wo aa/pwoo banet eyên ké byibî,
ne ké byěm ebe kángkáng ḿbyí ba*da/man echi*.
3Wo aa/mîng kafâ esa ne mbé
ne a/kám busa-dyityém eyên ḿbú bu/bên bu-shwôm.
4Ô Osówo, Onet-Onyii eten,
bwa ne be esim a-mîng kafâ esa ne be.
5Wo a-waa ng ké kafâ esa ne be ne banyá?
Kafâ eyên esa kaa*man*?
6Chi bě byi-chîshwane,
ne be mú byimu banet eyên byi/chi byi-kye ǒ akpee.
7Ô Óburúkpâbí, tông bě kyijé eyên ńkyí kii*man*
a-kye bě ochwâp eyên mú oda bě enyii.
8Me mu n-fwôo ng atông ké ńkyí Osówo Óburúkpâbí
mu o-sét ng.
Nyǐ mu o-ryí i bě ocím,
be mú banet emen o/fu,
nyǐ o-kyâ bě bunyîn-dyityém,
â be byi*da/chîbwa esim ké enyam-édúú eten*.
9Ké ntûntû, nyǐ oo/kpá byiko ḿbyí odanyii banet
ḿbé mbe ba-shî ng ǎ,
ne bushú emen ḿbú oda bě enyii bu/chi bu-waa ké esí eten.
10Kyijé ne dyityém efé ké Osówo byi/chi byi-kâm barî.
Kanong echi ne bunyîn-dyityém byi/chi byi-rwâm barî.
11Dyityém ńdyí banet mbe ba-fâ ké Osówo dyi/chi dyi-fím ké esí dyi-ribi kyíbóng,
ne kanong echi ńké Osówo kyíbóng ka/chi ka-tún achi kyísí.
12Óburúkpâbí o/chi o-chi bě byi-já byěm,
ne esí eten e/chi e-fé byiryíng.
13Kanong echi ka/chi ka-bwóp Óburúkpâbí kashú
ka-da-nap kiǐfáng ka-tî ǎ.
Currently Selected:
Sâm 85: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
