Sâm 83
83
Nshwam mú eringe nyí Osówo odakpógê Banet-Bushwôn ḿbé Ézerel
1Ô Osówo, *dacíbî pyêp*.
*Dawaa cip*. *Dawaa pyêp*.
2Kûri, banet-bushwôn eyên ba/bírî bunwa ne wo,
ne banet ḿbé wo amu a-sa ng kámbé kafâ ba-kú ba-bírî ng bunwa ne wo.
3Mbé mbe ba-nam m ké kadip kyi-kim ne banet eyên.
Mbé mbe ba-nam m banet ḿbé wo amu a-ku ng.
4Mbé mbe ba-raa ng ne barî ba/fu,
bâ n̂g byi-bên oshê ebe eringe nyí badaráp kyi-kim ne Ézerel ne banyá.
5Mbé ba/bángê ké ńkyí ba/nam,
ba-ryí barî ocím mú badacibi ba-nwa ne wo.
6Ányi banet ḿbé Édom ne ḿbé Éshimal,
ne ḿbé Mówep ne ḿbé Héga,
7ne ḿbé Gébal ne ḿbé Ámon
ne ḿbé Amálek ne ḿbé Fyilíta ne ḿbé Táya.
8Oshê-Asyírya mú odakán byití ba/cibi to ne bwǎn-Lôt.
9Chi kámbé ńkyí a/chi banet ḿbé Médyan
ne ńkyí a/chi onet mú odabángê Sisárá
ne Otu Jábyin ké kace ńké Kyíshon.
10Wo a/kpógê kámbé ké Ndo,
ne enyam-byiko ebe e/fwoo kyísí.
11Chi batu-ashí ebe ńkyí a/chi Otu Órep ne Otu Zêp.
Kpógê banet-ashí ebe kángkáng
wǎ eringe nyí a/chi Otu Zéba ne Otu Zamúna,
12ḿbé ba/fu, be byi/chi byi-kúng esí nyí e/já Osówo
e-firi nyí eten.
13Ô Osówo, chi kámbé ba-firi byiryibyiryi wǎ édúkǎndú,
ba-firi wǎ biǐbyâa ḿbyí bufú mbu bu-tugi ng bu-pwó ng.
14Wǎ eringe nyí okwâ odashí dyikán,
ne wǎ eringe nyí bumang-okwâ budachi eku e-firi ké kafâ-okwâ,
15éné to nké wo adaró kámbé,
bushî bu-róng kámbé ne kyibî-afú eyên.
16Ô Óburúkpâbí, wuri kámbé éshwân chwóó
a-chi kámbé to ba-nyît busa eyên.
17Kyi/bát bakpógê kámbé ba-waa ké bushî ne banyá.
Kyi/bát bakpú ké éshwân.
18Kyi/bát mbé banyît ba/fu,
wo kǎnchí nké amu Óburúkpâbí
mú mu Otu-Dyishí mú ejíí emúmú,
mú o/rêe o-shwôm.
Currently Selected:
Sâm 83: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
