Sâm 82
82
Osówo mú mu Otu mú o/rêe o-shwôm
1Osówo mu Onet-Dyishí ké esuk nyí kyíbóng,
nyǐ mu o-két ng mpan ké burwám-esówo.
2Ben ba-man ba-mîng mpan-acît ekét,
baa*man ba-chîpan mpan esim ebónge ba-kye bambên atyém*.
3Két n̂g banet-kyikpu ne byibén-banet mpan mú acît a*fí*.
Két n̂g banet ḿbé baa*já*
ne ḿbé ochwâp o*fí kámbé* mpan mú o/kwárê.
4Nyii kámbé ké abwô nyí byibî-banet.
5Ben ba*fí ba-nyît ng chwǒm* nang bubong to bu*fí běn*.
Ben baa/bên kángkáng,
ne ntûntû oo/man ké ejíí.
6Me n/fu, ben ba-chi i esówo.
Ben kángkáng ba-chi i bwǎn ḿbé Osówo mú kyíbóng kyíbóng.
7Nké ben ba/chi ba-kpú wǎ banet.
Akpen enen a/chi a-man
éné wǎ nyí onet-dyishí nang orá.
8Ô Osówo, bâ a-ba-kyú ejíí Otu.
Eshê kángkáng e/já ǒ.
Currently Selected:
Sâm 82: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
