Sâm 8
8
Busun-Osówo ḿbú Ragerage ne Ofê mú Onet
1Óburúkpâbí mú mu Otu Kyítá eten,
ejíí emúmú ee/ri eringe nyí dyizîn eyên ndyi kiǐtí.
Akpee nyí mbe ba-kyâ ǒ nyi a-ribi ng kyíbóng.
2Bwǎsíng ne bwǎn ḿbé ké abwô nké mbe ba-kwán n akpee eyên.
Wo aa/bi kyise ńkyí adabwom a-nwa ne banet-bushwôn eyên
ne banet-ociring eyên a-kpógê kámbé.
3Ké nkéré m/bírî achi n-ri bubóng ḿbú wo a/chi,
n-ri otukáku ne ékpére ḿbyí wo a/tî,
4onet o/byí ebóng mú wo amu a-kabe ng kyi-kim ne nyǐ.
Onet mú o*da/byí chwǒm* nké wo amu a-nen n ǎ?
5Nang ké nkyi éné,
wo a/chi ǎ o-kyú ne ofê o-shwôm kángkáng byěm
kyi-cibi ne [wo oyén] kǎnchí.
Wo aa/yip akpee ne ofê a-cít ǎ wǎ etam-butu.
6Wo aa/chi ǎ otu mú kángkáng byěm ḿbyí wo a/chi.
Wo a/kye ǎ busa ké kángkáng byěm,
7kángkáng byitú ne enyam-dyikán to,
8bunurung ne ekworê
ne kángkáng byěm ḿbyí mbyi ké baya.
9Óburúkpâbí mú mu Otu Kyítá eten,
ejíí emúmú ee/ri eringe nyí dyizîn eyên ndyi kiǐtí.
Currently Selected:
Sâm 8: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
