Sâm 7
7
Nshwam mú Mpan mú Ntûntû
1Ô Óburúkpâbí mú mu Osówo ejí,
me m/bê n/fu, ku mě.
Nyángê mě a-nyii mě ké abwô nyí kángkáng banet
ḿbé mbe ba-zóngê e ne me.
2Â kyi*fí éné* mbé ba/chi ba-tut mě wǎ ekpang
ba-dim ne me ké kyikit ńkyí onet nang obónge oo*man mě enyii*.
Ányi nké mbé ba/chi ba-ját mě byicê byicê.
3-4Ô Óburúkpâbí mú mu Osówo ejí,
â me nn/chi onet nang obónge kyibî,
n-nîm nang ocín ejí obónge,
n-ri onet nang obónge mú o/chi mě kyibî bafip,
â nn/chi byěm ḿbyín nang kyibónge,
5éné mîng banet-bushwôn ejí ba-zóngê ne me ba-kám mě.
Mîng kámbé ba-cere mě ba-twóp kyísí
ba-ju mě ba-mîng kyísí sáre.
6Ô Óburúkpâbí, bûu ké kafâ eyên esa.
Bûu a-bwom bunwa ne kyibî-kafâ esa ńké banet-bushwôn ejí.
Bûu a-chwáp mě.
Mpan mú acît a*fí* nké wo amu a-ryuu ng.
7Ké bubwô ámbu, bâ ne banet kángkáng
ba-wáp ǒ byicê byimúmú,
[a-kyú kámbé Otu áku kyíbóng.]
8Wo nké amu nkêt bampan ḿbé kángkáng banet.
Ô Óburúkpâbí, két mpan o-nwa mě.
Wo amu a-nyît ng a/fu, me n*da/chi chwǒm*.
9Wo amu Osówo mú mu o-chi i kanong,
ne wo amu a-kan n atyém eten ne ekabe eten a-ri.
Chi byibî-banet ba-mîng dyityém ebên,
a-kye banet ḿbé mbe ba-chi i kanong eyáré.
10Osówo nké mu Onet-Obâm ejí.
Nyǐ mu o-nyii ng banet ḿbé mbe ba-chi i ńkyí nyǐ o/sét.
11Osówo nké mu nkêt mpan mú oo*ryí acît*
ne kángkáng nkéré, mu o-két ng mpan o-bên n bambên atyém.
12Osówo o/chi o-jee kashwám emen
â mbé ba*fí ba-yángê e édúú ebe*.
Nyǐ mu o-sep ng búre emen o-kpá ng kámbú byiko.
13Nyǐ mu o-yip ng byibî-byiyám emen
o-kan n abán emen nyí baa/mee okwâ ké nyǐ.
14Ri eringe nyí bambên atyém mbe ba-kabe ng kyi-kim ne byibî-byěm.
Mbé mbe ba-nam m afaníkong
ne mbe ba-kwâa ng byisédéng to esét.
15Nké mbé bayén mbe ba-róng ng ké boǒtám ebe
ḿbú mbé mbe ba-kuu ng ba/fu, banet baróng.
16Ké bubwô ámbu, byibî-byěm ḿbyí mbé mbe ba-chi i nké mbyi byi-kyâ kámbé busông.
Ne bakân ebe to nké mbe ba-némê e kámbé.
17Me mu n-kó ng Óburúkpâbí asǎma ké mpan emen
mú ntûntû mú nyǐ mu o-két ng.
Me mu n-kwán n ekwan-akpee
n-kye Óburúkpâbí mú kyíbóng kyíbóng.
Currently Selected:
Sâm 7: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
