Sâm 77
77
Dyityém efé ké Nkéré-Afaníkong
1Me mu n-tii ng Osówo bukyû ne ejá kyíbóng kyíbóng.
Me mu n-tii ng ne ejá kyíbóng kyíbóng,
[ne nyǐ mu o-jwo ng mě.]
2Me mu n-fâ nshwam n-kyâ Óburúkpâbí ké nkéré-afaníkong.
Me mu m-bêem m abwô kyíbóng
ké nshwam efé buchú bumúmú,
nké dyityém ejí dyi*fí dyi-ri ng bunyîn-dyityém*.
3Ké nkéré n-kú n-kabe ng kyi-kim ne Osówo,
me mu n-tii ng.
Asa a-man n mě ké nkéré n-kú n-kabe ng.
4Nyǐ mu o-tî ng mě achi fúú buchú bumúmú.
Me ofong mu o-két ng mě mú mm*man eraa*.
5Me mu n-kabe ng kyi-kim ne ací nyí a/shwôm ké esim
ne mu n-zîim m aje nyí a/shwôm ké esim chwóó.
6Me mu n-kyú u buchú bumúmú [n-kabe ng,]
ńkyín něen nké n/kabe m-bí byiko ejí n/fu,
7Óburúkpâbí o/chi o-né bě kángkáng nkéré?
Kii*ba/chi kyi-chî ǎ enyîn ne be ne banyá*?
8Be bii/mîng ǎ ejê?
Ocím emen mú o/ryí o*fí to*?
9Osówo oo/ráp banet bafip eri?
Kafâ esa kaa/kúng kyikit ńkyí banet bada ǎ ekpú byiko?
[ 10Ne n-raa kâng
n/fu, ńkyí nkyi kyi-bán n mě kyi-shwôm nkyi něen,
n/fu, Osówo o*fí to ne busa*.]
11Óburúkpâbí, me n/chi n-zîim biǐtí-byěm eyên ḿbyí amu a-chi i.
Me n/chi n-zîim m biǐtí-byěm-akat eyên ḿbyí a/chi
ké nkéré mú o/shwôm ké esim.
12Me n/chi n-kabe kyi-kim ne kángkáng byěm ḿbyí wo aa/chi.
Me n/chi n-kabe kyi-kim ne biǐtí-byěm eyên ḿbyí amu a-chi i.
13Ô Osówo, kángkáng byěm ḿbyí amu a-chi i mbyi kanong.
Osówo o*fí mú o/rêe wǎ wo*.
14Wo amu Osówo mú mu o-chi i biǐtí-akat.
Wo amu a-tông ng eshê nyí ee*nyît ǒ* busa eyên.
15Wo a/nyii bwǎn ḿbé Jekôp ne ḿbé Josêf,
ḿbé mbe banet eyên.
16Ô Osówo, ké nkéré baya ḿbé baryên ba/ri ǒ,
bushî bu/róng kámbé, byirí byi-náng.
17Ófíbí o/na omu, etare e/sá ké bubóng,
ne kasabang ka/kédê byicê byimúmú.
18Etare eyên e/sá,
ne kasabang eyên ka/kye ejíí kiinwángé.
Esí e/só banê e-náng.
19Wo a/cen a-shwôm ké baya ḿbé baryên.
Wo a/nyáng baya ḿbé ba/ríbî,
nké ba*da/man eri abe-byiká eyên nyí a/cím*.
20Wo a/sí banet eyên wǎ mbâm ebû,
ne Músis ne Éron ba/mû kámbé banet-ashí.
Currently Selected:
Sâm 77: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
