Sâm 75
75
Osówo nké mu Nkêt Mpan
1Be byimu byi-kó ng ǒ asǎma.
Ô Osówo, be byimu byi-kó ng ǒ asǎma.
[Be byimu byi-sét ng eringe nyí wo a/rêe a-shwôm,
ne byimu byi-sét ng to] kyi-kim ne biǐtí-byěm ḿbyí aa/chi.
2Osówo o/raa o/fu,
me nn/tî nkéré mú mpan ekét,
ne n/chi n-két mpan nn*ryí acît*.
3Nang esí nyi e-náng ng ne kángkáng byěm ḿbyí mbyi ké nyǐ,
me n-tî ng byikwap emen eringe nyí bii*náng*.
4Me mu n-sét ng bambên atyém n/fu,
ba*dakûtông byiko*.
5Me mu n-sét ng kámbé n/fu,
bamîng abwô etyem ké kakim.
6Mpan ekét o*fí o-fím m ké kyicê ńkyí óbyísû mu o-byí i*
nang ńkyí mu o-ríbî ng*.
[O*fí o-fím m bushûyû* nang busyísen*.]
7Osówo nké mu nkêt mpan.
O-két ng o-bên n kyicê-banet,
o-nwa ng banet bakíri.
8Osówo mu o-níbî ng mmîk ké bubwô mú mu pwat ne bato ḿbé shwanshwan,
ḿbé kafâ emen esa.
Nyǐ mu o-fâ kámbé,
ne kángkáng bambên atyém mbe ba-jwáp ng kámbé.
Mbé mbe ba-jwáp ng kámbé ba-ribi ké nkuli kyikû-dyibán.
9Nké me mm*ba/chi m-mîng eraa kyi-kim ne Osówo mú Jekôp*
nang akpee ekwán n-kye ǎ nyǐ*.
10Nyǐ o/chi o-man busa ḿbú bambên atyém.
Nké nyǐ o/chi o-sû ḿbú banet ḿbé mbe ba-chi i kanong.
Currently Selected:
Sâm 75: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
