Sâm 6
6
Nshwam-Ochwâp ké Nkéré-Afaníkong
1Óburúkpâbí, *daraa ne me ké kafâ esa*.
*Da mě ekye busông ké kafâ esa*.
2Ô Óburúkpâbí, ri mě bafip,
ké nǎ, me n/firi kyeekyee.
[Kye mě busa,] ké nǎ, me asa aa/man mě kángkáng.
3Ne kyirim-enyam-byiko ejí kángkáng kyi/firi ké kiǐtí-afaníkong.
Ô Óburúkpâbí, wo a-bám m ka-bwon nǎ ne a-chwáp mě.
4Óburúkpâbí, bâ a-ba-nyii mě.
Nyii mě ké bukyû ké bubwô-bafip eyên ḿbé amu a-ri ng banet.
5Wo baa*zîim ǒ ké oshê-bakúsí*.
Onet o*fí nang obónge mú oda ǒ ekye akpee áku*.
6Me nn/kyee ké bafip ejí.
Kángkáng buchú, karíng ejí nke ka-firi ng gbodok
ké bukyû ḿbú mu n-tii ng.
Batíí mbe ba-cok ng kyichí-dyishí ejí.
7Me n*fí to n-rángê e kanong*
ké nǎ, achi ejí aa/mut ké bukyû ḿbú banet-bushwôn ejí mbe ba-chi i mě n-tii ng.
8Byibî-banet, bwom m̂ mě cát.
Óburúkpâbí mu o-jwo ng bukyû ejí ḿbú mu n-tii ng.
9Nyǐ mu o-fwôo ng atông o-jwo ng bukyû ejí
ḿbú mu n-tii ng n/fu, ochwáp mě.
Ne nyǐ o/chi o-faa ojá ké nshwam ejí.
10Banet-bushwôn ejí ba/chi ba-ri
eringe dyikpóge ndyi dyi-kyâ kiǐtí-éshwân.
Ba/chi ba-byí kámbé kiǐmút
ba-chi kámbé ba-firi byiryibyiryi,
ba-ró kámbé.
Currently Selected:
Sâm 6: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
