Sâm 67
67
Okwan-Asǎma
1Osówo, ri bě bafip a-jware bě.
Tún bě ne dyityém ecángê
2eringe nyí ejíí emúmú edanyît okabe eyên,
ne eringe nyí eshê kángkáng edanyît onyii eyên.
3Ô Osówo, kyi/bát banet bakye ǒ akpee.
Kyi/bát kángkáng banet bakye ǒ akpee.
4Kyi/bát eshê ejêe e-kwán ekwan ké bunyîn-dyityém,
ké nǎ, wo aa*ryí acît ké mpan eyên mú amu a-pan n banet*
ne amu a-tún n kángkáng eshê ké ejíí.
5Ô Osówo, kyi/bát banet bakye ǒ akpee.
Kyi/bát kángkáng banet bakye ǒ akpee.
6Esí ee/fé byiryíng ḿbyí badafuu.
Osówo mú mu Osówo eten oo/jware bě.
7Osówo oo/jware bě.
Kyi/bát kángkáng banet ké kángkáng byikit bakye ǎ ofê.
Currently Selected:
Sâm 67: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
