Sâm 65
65
Akpee ne Asǎma ekó
1Ô Osówo, nkyi kanong ńkyí be byida ǒ ekye akpee ké Záyon,
byi-tî ocím eten mú byi/ryí ǒ,
2ké nǎ, wo amu a-jwo ng banshwam eten.
Kángkáng banet ba/chi ba-bâ ba-kâm ǒ
3ké dyishí-byibî ebe.
Byibî eten mbyi byi-kpógê ng [bě.]
Nké wo amu a-pwoo ng bě kámbyí.
4Bunyîn-dyityém mbu ne banet ḿbé wo a/cá a-bâ ne mbé a/fu,
bakûkyú ké kyise eyên.
Be byi/chi byi-zût ké byěm ḿbyí byinong
ḿbyí mbyi ké kyise eyên
ńkyí nkyi kiǐtí-kyise-kyifen eyên echi.
5Wo amu a-faa ng bě ké ochi mú amu a-chi i bě byi-kpógê e,
ne wo amu a-chi i biǐtí-byěm eringe nyí ada bě enyii.
Kángkáng banet ké ejíí nang ké esim-baya nyí áku mbe ba-fâ dyityém ké wo.
6Ké busa ḿbú eyên nké wo aa/bi eku cip a-tông kiǐtí-busa eyên.
7Wo amu a-chi i kyirime-baya ne bunâng emen byi-chee beem.
Wo amu a-chi i banet ḿbé mbe ba-nyámê e ne barî ba-chee beem.
8Ejíí emúmú e/firi ké bushî ké biǐtí-byěm ḿbyí wo aa/chi.
Ejá nyí bunyîn-dyityém nyi e-fím m ké ejíí emúmú
ké byěm eyên ḿbyí amu a-chi i.
9Be byimu byi-ri ng eringe nyí amu a-tún n esí
ké omu mú wo amu a-twóm m.
Wo amu a-chi i kányí e-kûnwa byiryíng.
Wo amu a-chi i omu o-sú u ké buce.
Wo amu a-kyâ esí byíkwôn.
Něen nké amu a-chi i kányí.
10Wo amu a-chi i omu o-na ké byifát,
a-chi omu o-sú ké mbyí.
Wo amu a-chi i kyibû kyi-jwâa esí,
a-chi esu-byichí e-kán.
11Kanong eyên nke ka-chi i byiryíng byi-jê ḿbyí badafuu.
Nang nyá nké wo a/ce,
a-ri ng byiryíng chwóó.
12Baryî-ebû baa/sú ne ebû.
Bunyîn-dyityém boo/sú ké eku.
13Aro aa/sú ne ebû.
Byifát bii/sú ne byiryíng.
Kángkáng byěm mbyi byi-kwán n ne ejá kyíbóng kyíbóng ké bunyîn-dyityém.
Currently Selected:
Sâm 65: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
