Sâm 64
64
Nshwam-Oku
1Me mu ké afaníkong.
Ô Osówo, fwôo atông a-jwo nshwam ejí.
Me mu n-shî ng banet-bushwôn ejí.
Nyii dyikpen ejí.
2Ku mě ké byěm ḿbyí bambên atyém mbe ba-nam m,
ne ké anwa nyí byibî-banet.
3Mbé mbe ba-jee ng bubyíbabang ebe wǎ bushwám,
ne mbe ba-kan n byibî-byiraa wǎ abán.
4Mbé ba-kwáng ng ké byisédéng ebe esét ba-câ ḿbyí ba*fí ne éshwân*.
Mbé mbe ba-bên n banet ḿbé banong azîn, baa*shî*.
5Ba-fâ barî busa ké byibî-byěm ebe ḿbyí mbe ba-nam m.
Ba-tóbê kyikit ńkyí mbé badatî boǒtám ebe.
Mbé ba-raa ng ba/fu,
onet o*fí mú odari kámbú*.
6Ba-nam m byibî-byěm ba/fu,
bii/nam kyibî ńkyí baa*nyît*.
Yeě mú odanyît dyityém ne okabe mú onet.
7Nké Osówo mu o-châ kámbé abán emen,
ne mu o-némê e kámbé ké abe ké abe.
[ 8Nyǐ o/chi o-ju kámbé ké bubwô-byiraa ámbyi.]
Kángkáng banet ḿbé ba/ri kámbé ba/chi ba-ninge ashí.
9Mbé kángkáng ba/chi ba-firi ké bushî.
Ba/chi ba-kabe kyi-kim ne ńkyí Osówo oo/chi,
ba-sét to kyi-kim ne byěm ḿbyí nyǐ oo/chi.
10Kángkáng banet ḿbé mbe ba-chi i kanong ba/chi ba-jêe ké bubwô ḿbú ńkyí Óburúkpâbí oo/chi.
Ké nyǐ nké mbé ba/chi ba-ri kyikit ńkyí chwǒm kii*ta kámbé*.
Kángkáng banet ḿbé banong ba/chi ba-kye ǎ akpee.
Currently Selected:
Sâm 64: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
