Sâm 62
62
Dyityém efé ké Oku mú Osówo
1Me mu m-bám m n/fu, Osówo onyii mě.
Nyǐ kǎnchí nké me n/jêem esim.
2Nyǐ kǎnchí nké mu o-ku ng mě ké afaníkong
ne mu o-nyii ng mě.
Nyǐ nké mu o-ku ng mě kanong kanong ké afaníkong
ne baa*ba/chi ba-kpógê mě ne banyá*.
3Ben kángkáng ba-nwa ng ka-bwom nǎ ne onet mú o*fí
o-shwane e o-shwôm oro-kyibám mú oo/kâa*.
4Ben bamu ba-ryuu ng ba/fu,
ben ba-shû ng ǎ ké kyikit-ofê emen ba-tî kyísí.
Ben bamu ba-ri ng bunyîn-dyityém ké byisédéng esét.
Ben bamu ba-raa ng byiraa ḿbyí ojware ekye,
nké ké ntûntû, ben bamu ba-fâ kyibî-nshwam ba-kyâ mě.
5Me n/jêem esim ké Osówo kǎnchí.
Nyǐ nké me mu n-tî ng achi.
6Nyǐ kǎnchí nké mu o-ku ng mě ne mu o-nyii ng mě.
Nyǐ nké mu onet-oku ejí ne baa*ba/chi ba-kpógê mě ne banyá*.
7Onyii ejí ne ofê ejí mbyi ké abwô nyí Osówo.
Nyǐ nké mu o-ku ng mě kanong kanong ké afaníkong.
Nyǐ nké mu kyikit-dyirem ejí.
8Banet ejí, fé n̂g dyityém ké Osówo kángkáng nkéré.
Sét n̂g ǎ kángkáng afaníkong enen,
ké nǎ, nyǐ nké mu kyikit-orem eten.
9Banet kángkáng mbe wǎ kiǐnjáng eshû.
Biǐtí-banet ne ḿbé ba*fí biǐtí* ba*da/byí chwǒm*.
Twôom kámbé ké érúmá,
burô bu*fí kámbé*.
Mbé ba/fúú ba-shwôm bufú ḿbú adashû kiǐnjáng.
10*Da n̂g etî dyityém enen ké anwa enwa*.
*Da n̂g etî okabe ba/fu,
ben ba-ryí i mpún ké byěm-banet ebam ba-koo*.
Nang efang enen e/bwa e-jê,
*da n̂g ejêem esim ké nyǐ*.
11Me nn/jwo Osówo kampén kampén o/fu,
busa bu/já ǎ nyǐ,
12ne o/fu, kyijé emen kii*man*.
Ô Óburúkpâbí, wo oyén a-kyâ nang yeě eyáré
ké eringe nyí byěm ḿbyí nyǐ o/chi.
Currently Selected:
Sâm 62: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
