Sâm 61
61
Nshwam-Oku
1Ô Osówo, jwo bukyû ejí ḿbú mu n-tii ng.
Fwôo atông a-jwo nshwam ejí.
2Ké nkéré n/zú dyityém,
me n/kyú tíbítíbí ne byise n-kó ǒ.
Kúng mě a-dim ne me ké kyikit-dyirem ńkyí chwǒm kii*ta mě*.
3Ké nǎ, wo nké amu a-ku ng mě,
ne amu a-nyii ng mě shwanshwan ké abwô nyí banet-bushwôn ejí.
4Mîng mě n-kyú ké kyikit-ociring eyên
ké dyikpen ejí kángkáng.
Mîng mě n-ri kyikit ńkyí chwǒm kii*ta mě*
ké dyifít-abyibabang eyên.
5Ô Osówo, wo aa/jwo ocím ejí mú n/ryí,
ne wo aa/kye mě ńkyí kyi/já banet ḿbé mbe ba-shî ng dyizîn eyên.
6Sû aje nyí otu odachîkpen.
Mîng ǎ o-kpen o-ca kashú káshu.
7Ô Osówo, kyi/bát nyǐ okyú otu ne banyá ké bushú eyên.
Ku ǎ ne kyijé eyên ńkyí kii*man*
ne ocím eyên mú amu a-tî ng.
8Ké bubwô ámbu, me n/chi n-kwán ekwan-akpee
kángkáng nkéré n-kye ǒ
ké nkéré mú mu n-yárê ng ǒ kángkáng ací
ké ńkyí n/ryí ocím.
Currently Selected:
Sâm 61: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
