Sâm 60
60
Nshwam-Onyii
1Ô Osówo, wo aa/né bě,
ne aa/kpógê bě.
[Wo kaa/sa ǒ ne be.
Nké kántîk, bírî a-kâm bě.]
2Wo aa/chi oshê o-náng,
ne aa/ját kámú a-tî fúú.
Kántîk, chi byinêm emen byi-man,
ké nǎ, mǔ o/firi byicê byicê.
3Wo aa/chi banet eyên ba-ri afaníkong kanong kanong.
Be byimu byi-cíng ng éné wǎ byimu byi-bwóm m bato.
4Wo aa/kuri banet ḿbé mbe ba-shî ng ǒ ekó
eringe mbé badafem.
5Nyii bě ké busa eyên.
Faa ojá ké nshwam eten
eringe nyí banet ḿbé mbe ba-jê ng ǒ badafem.
6Osówo [o/bwom ké kyikit-ociring emen] o-raa o/fu,
me n/chi m-kpógê n-kyii Shékem byicê byicê
n-kyii owo mú Súkot n-kye banet ejí.
7Gyílet o/já mě, Manáse o/já mě to.
Éferem mu mě otam-byití ejí,
ne Júda mu mě ochí-butu ejí.
Nké n/chi n-kúng Mówep wǎ dyicáng-abwô esoo ejí.
8Ne n/chi n-twóp abe ejí ké Édom,
kyi-bwom wǎ ekap nyí edatông e/fu, e/já mě.
Banet-Fyilíta ba/mû ba/kabe ba/fu,
mbé ba-man n ewonge ba/fu,
mbé baa/kpógê mě dí.
9Ô Osówo, yeě o/chi o-kúng mě
o-da-fé ké oshê mú mu shwaneshwane.
Yeě o/chi o-sí mě n-ca Édom.
10Wo aa/né bě ké ntûntû?
Wo aa*ba/chi a-dim ne bannwa byití eten ké kyikû*?
11Chwáp bě byi-nwa ne banet-bushwôn eten.
Ochwâp mú banet o*da/byí chwǒm*.
12Be byi/chi byi-kpógê â Osówo mu kyicê ńkyí eten.
Nyǐ o/chi o-kpógê banet-bushwôn eten.
Currently Selected:
Sâm 60: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
