Sâm 59
59
Nshwam-Onyii
1Osówo ejí, nyii mě ké abwô nyí banet-bushwôn ejí.
Ku mě ké banet ḿbé mbe ba-nwa ng ne me.
2Nyii mě ké abwô nyí byibî-banet ámbe.
Nyángê mě ké abwô nyí banju banet ámbe.
3Kûri, mbé mbe ba-bám m ba/fu,
mbé ba-ju ng mě.
Bambên atyém mbe ba-cibi ng bunwa ne me.
*Chí ké orông ejí*
nang ké bubwô ḿbú kyibî nang kyibónge ńkyí me n/chi*.
4Ô Óburúkpâbí, *chí nang ké bubwô-kyibî nang kyibónge ńkyí ejí me oyén nké mbé ba/kú ba-kpá ng byiko babap*.
5Osówo Óburúkpâbí mú o/rêe o-shwôm,
jwóbê a-ba-chwáp mě.
Osówo mú Ézerel, wo oyén, ri.
Bûu nensang a-kye banet ḿbé ba/bángê ké bakye esháng busông.
*Dari byibî-bannîm banet bafip*.
6Mbé mbe ba-bwa ng esim kángkáng dyikurúku
ba-kpen n wǎ bubyî
ké nkéré bu-kú bu-yêe ng bu-câ ké oshê.
7Fwôo atông a-jwo edángé ebe ne achi ebe epii.
Bubyíbabang ebe mbu wǎ bushwám nké mbu kámbé ké ecím.
Nang ké nkyi éné, mbé mbe ba-kabe ng ba/fu,
onet o*fí mú mu o-jwo ng kámbé*.
8Nké wo, ǎ Óburúkpâbí, amu a-jwó ng kámbé.
Wo amu a-fát ng kángkáng banet ḿbé ba/bángê ké bakye esháng kiikuku.
9Ô Osówo, me n/tî dyityém ejí ké busa ḿbú eyên.
Wo a-chi i kyikit-dyirem ejí.
10Me mu n-jê ng Osówo ejí,
ne nyǐ o/chi o-bâ o-kâm mě.
Nyǐ o/chi o-mîng mě n-ri ba-kpógê banet-bushwôn ejí.
11Ô Osówo, *daju kámbé*.
 kyi*fí éné* banet ejí ba/chi ba-ráp.
Ô Óburúkpâbí mú mu o-ku ng bě,
busa eyên buchi kámbé ba-firi byiryibyiryi a-kpógê kámbé.
12Byibî mbyi kámbé ké byibî-ocím.
Byiraa ebe kángkáng mbyi byibî.
Kyi/bát bakám kámbé ké byiko ebe etông.
Ké bubwô ḿbú mbé mbe ba-fâ kyibî-nshwam
ne mbe ba-sét ng byisédéng,
13ju kámbé ké kafâ esa eyên.
Ju kámbé ba-man.
Ne nang yeě kâng o/chi o-nyît o/fu,
Osówo mu Otu ké Ézerel,
ne butu emen bu/ta ejíí kángkáng.
14Banet-bushwôn ejí mbe ba-bwa ng esim kángkáng dyikurúku ba-kpen n
wǎ bubyî ké nkéré bu-kú bu-yêe ng bu-câ ké oshê,
15éné wǎ bubyî ḿbú mbu bu-yêe ng bu-kyé ng byiryíng,
ne mbu bu-kpen n â bu*da/ri byi-kwárê kámbú*.
16Nké me n/chi n-kwán kyi-kim ne busa eyên.
Kángkáng dyicófóróng, me n/chi n-kwán ne ejá kyíbóng kyíbóng
kyi-kim ne kyijé eyên ńkyí kii*man*.
Wo aa/kyú mě kyikit-orem
ne kyikit ńkyí ndajáng ké nkéré afaníkong.
17Me n/chi n-kye ǒ akpee,
wo mú amu a-ku ng mě ké afaníkong.
Osówo mú me mu n-jê ng ǎ mu kyikit-orem ejí.
Currently Selected:
Sâm 59: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
