Sâm 58
58
Nshwam mú Osówo odakye Mbên Dyityém Busông
1Ben [banet-ashí-oshê] baa/két mpan nang kabónge mú acît a*fí*?
Ben bamu ba-pan n banet mpan kángkáng kerededet dí.
2Aa*wááng*. Ben bamu ba-kabe ng kyi-kim ne byibî ḿbyí ben badaman echi nké nke,
ba-chi i byibî ḿbyí anwa enwa ké oshê.
3Byibî-banet byi-chi i ńkyí kyi*fí kanong*
ké akpen ebe kángkáng.
Mbé ba-kpet ng byisédéng esét
kyi-fím ké dyicí ńdyí ba/fwon kámbé.
4Dyífa dii/sú kámbé ké byiko wǎ efyi.
Mbé mbe ba-ku ng atông ebe
wǎ efyi nyí ee*jwo atông*
5nyí e*fí e-jwo ng ejá nyí nchi bakye-efyi*
nang ekwan nyí onet-bambirirím mú mu ne byinyídíng*.
6Ô Osówo, bú asháng nyí biinchi bushî-ekpang ńnyín.
7Kyi/bát barím wǎ omu mú mu o-núng ng.
[Kyi/bát bacím kámbé wǎ biǐbyâa ḿbyí ké kiǐfáng.]
8Kyi/bát bakyú wǎ barwân-ekó.
Kyi/bát bakyú wǎ wǎn-ojújwô mú ba/fwon o-kpú kiinwángé o*da/ri*.
[ 9Ba-két ng kámbé ba-pwó kyísí wǎ biǐbyâa ne mbé ba-kûnyît.
Osówo ké dyityém-busa emen o/chi o-tut kámbé o-pwó ké nkéré ba/tôong okpó.]
10Banet ḿbé mbe ba-chi i kanong ba/chi ba-kyú ké bunyîn-dyityém
ké nkéré baa/ri ba/fu,
baa/kye banchi byibî busông.
Mbé ba/chi ba-cen ba-shwôm ké baróng ḿbé bambên atyém.
11Banet ba/chi ba-raa ba/fu, ké ntûntû, baa/yárê banet ḿbé mbe ba-chi i kanong.
Ké ntûntû, Osówo mu kô mú mu o-pan n ejíí mpan.
Currently Selected:
Sâm 58: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
