Sâm 56
56
Nshwam-Dyityém efé ké Osówo
1Ô Osówo, ri mě bafip,
ké nǎ, banet ba-kú ba-nwa ng ne me.
Banet-bushwôn ejí mbe ba-kyâ mě busông kángkáng nkéré.
2Banet ḿbé ba*fí ne me* mbe ba-nwa ng ne me kyirim-dyicí kángkáng.
Banet ba/jê ḿbé mbe ba-nwa ng ne me.
3Ô Óburúkpâbí mú o/rêe o-shwôm,
me mu n-tî ng dyityém ejí ké wo ké nkéré n/firi ké bushî.
4Me mu n-tî ng dyityém ejí ké Osówo
ne n*fí ne bushî*.
Me mu n-kyâ ǎ akpee ké ńkyí nyǐ o/ryí ocím.
Ebóng ńkyí onet ne enyam-byiko oda mě eman echi.
5Banet-bushwôn ejí mbe ba-kyâ mě afaníkong dyicí kángkáng.
Mbé mbe ba-kabe ng kángkáng nkéré
eringe nyí mbé bada mě enémê.
6Mbé mbe ba-cibi ng ba-rem m ké byikit
eringe nyí badari kángkáng byěm ḿbyí mu n-chi i,
ba-tî ng okabe mú bada mě eju.
7Ô Osówo, [kye kámbé busông] ké byibî ebe.
Kpógê banet ámbe ké kafâ eyên esa.
8Wo amu a-nyît ng afaníkong ejí.
Wo aa/sáng batíí ejí a-fé ké nwet.
A*da/sáng kámbé a-fé ké nwet eyên*?
9Dyicí ńdyí n/chi n-kó ǒ,
ba/chi ba-ró banet-bushwôn ejí ba-bwa esim.
[Me mu n-nyît ng ńkyín n/fu,
Osówo] mu ké kyicê ńkyí ejí,
10nyǐ mú mu Óburúkpâbí mú me mu n-kyâ ǎ akpee
ké ńkyí nyǐ o/ryí ocím.
11Ké nyǐ nké me n/fé dyityém ejí
ne n*fí ne bushî*.
Ebóng ńkyí onet ne enyam-byiko oda mě eman echi.
12Ô Osówo, me n/chi n-kye ǒ ńkyí me n/ryí ocím.
Me n/chi n-kye ǒ eyáré ejí nyí asǎma ekó,
13ké ebóng, wo aa/nyii mě ké bukyû
ne a*da/mîng ba-kpógê mě*.
Ne ké bubwô ámbu, me mu n-cen n ké bushú eyên,
ne ké kiinwángé ńkyí nkyi kyi-san n banet bakpó.
Currently Selected:
Sâm 56: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
