Sâm 54
54
Nshwam-Onyii ké Abwô nyí Banet-Bushwôn
1Ô Osówo, nyii mě ké busa eyên.
Ké busa eyên, chi mě n-fem.
2Ô Osówo, jwo nshwam ejí.
Fwôo atông ké byiraa ejí.
[ 3Bantông byiko] mbe ba-bâ bunwa ne me.
Bambên atyém ḿbé
mbe banet ḿbé ba*fí ba-kérê ng kyi-kim ne wo*
mbe ba-kan n ba/fu, mbé ba-ju ng mě.
4Nké Osówo nké mu Onet-Ochwâp ejí.
Óburúkpâbí nké mu mě ké esim.
5Kyi/bát Osówo okúng byibî ebe mbé bayén
o-kye banet-bushwôn ejí busông.
Nyǐ o/chi o-ju kámbé,
ké nǎ, nyǐ o-chi i ńkyí o/ryí ocím.
6Ô Óburúkpâbí, [me n/chi n-chi kyifen n-kye ǒ ké bunyîn-dyityém.]
Me n/chi n-kó ǒ asǎma,
ké nǎ, wo a/nwa dyityém.
7Wo aa/chi mě n-fem ké afaníkong ejí kángkáng,
ne nn/ri ké baa/kpógê banet-bushwôn ejí.
Currently Selected:
Sâm 54: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
