Sâm 53
53
Byibî ḿbyí Banet
(Sâm 14)
1Enyam-banet e-sét ng byiko ebe e/fu,
Osówo o*fí*.
Mbé kángkáng baa/bên byiko ebe,
ne baa/chi byibî-byěm.
Onet o*fí mú mu o-chi i ńkyí nkyi kanong*.
2Osówo mu kyíbóng o-tún n banet achi o-ri
â banet mbe kô ḿbé mbe ne bubong,
ne â banet mbe kô to ḿbé mbe ba-kyâ ǎ ofê.
3Nké mbé kángkáng baa/bírî ǎ esim.
Onet o*fí nang obónge ké burwám ebe
mú mu o-chi i ńkyí nkyi kanong*.
Nang obónge o*fí*.
4Osówo mu o-bí ng o/fu,
mbé ba*fí ba-nyît ng dí*.
Banchi byibî ḿbén ba*fí ne bubong*?
Mbé mbe ba-kpen n ké banet ejí byěm ejii,
ne mbé ba*fí ba-fâ nshwam ba-kyâ mě*.
5Nké bushî bu/chi bu-róng kámbé bu-shwôm ḿbú mbé ba/mû baa/ri,
ké nǎ, Osówo o/chi o-pwó byikúú ḿbyí banet-bushwôn-banet emen byiryibyiryi.
Osówo oo/né kámbé.
Ké bubwô ámbu, banet-Ézerel ba/chi ba-kpógê kámbé kángkáng.
6Ô, me mu n-fâ nshwam n/fu,
kyi/bát onyii ofím ké Záyon o-bâ o-kâm Ézerel.
Banet-Ézerel ba/chi ba-kyú ké bunyîn-dyityém
ké nkéré Osówo [oo/chi kámbé ba-chîjá byěm.]
Currently Selected:
Sâm 53: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
