Sâm 52
52
Osówo o/pan Kyibî-Onet Mpan
1Kiǐtí-onet, ebóng ńkyí amu a-tông ng byiko ké byibî eyên.
Kyijé ńkyí Osówo nkyi ne banyá.
2Wo amu a-tî ng okabe mú barî-banet ebên.
Kabyíbabang eyên nke wǎ kyikwâm ńkyí kyidanen.
Wo amu a-rim m ne byisédéng kángkáng nkéré.
3Kyibî kyi-jê ng ǒ kyi-shwôm kyinong.
Kyisédéng kyi-jê ng ǒ kyi-shwôm ntûntû.
4Kyi-jê ng ǒ, ǎ nsêt byisédéng,
ńkyí adachi kyi-sa banet ké byiraa eyên eraa.
5Ké bubwô ámbu, Osówo o/chi o-bên ǒ ne banyá.
Nyǐ o/chi o-tím ǒ byizim,
o-fîm ǒ ké kyise eyên.
Nyǐ o/chi o-fîm ǒ ké ejíí nyí banet bakpó.
6Banet ḿbé mbe ba-chi i kanong ba/chi ba-ri ńkyín,
ba-kpet eshî,
ne mbé kâng ba/chi ba-jwó ǒ ba-raa ba/fu,
7kûri, nyín onet mú o*da/jêem esim ne Osówo o/fu,
okyú kyikit-dyirem emen*.
Nké nyǐ o/bwa o-fé dyityém ké biǐtí-efang emen,
ne nyǐ o/kúng dyityém ebên wǎ kyikit-dyirem emen.
8Nké me mu wǎ dyisín-kyichí
ńkyí nkyi kyi-kán n ké kyise ńkyí Osówo.
Me mu n-fâ dyityém ejí ké kyijé emen ńkyí kii*man ne banyá ne banyá*.
9Osówo, me n/chi n-kó ǒ asǎma kángkáng nkéré ké ńkyí aa/chi.
Me n/chi n-sét ké bushú-banet eyên n/fu,
wo amu kanong.
Currently Selected:
Sâm 52: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
