Sâm 51
51
Nshwam-Opwoo-Byibî
1Ô Osówo, ri mě bafip
ké bubwô ḿbú kyijé eyên ńkyí ne banyá.
Shî byibî ejí ké bubwô-kiǐtí-bafip eyên
ńkyí amu a-ri ng banet.
2Soo mě n-cé ké byibî-byěm ejí,
a-chi mě n-cé kpárám ké byibî ejí.
3Ké nǎ, me mu n-nyît ng orông ejí,
ne me mu n-ri ng byibî ejí kángkáng nkéré.
4Me nn/chi byibî ké bushú eyên kǎnchí.
Ne nn/chi ńkyí kii*nwa* ké bushú eyên.
Ké bubwô ámbu, mpan mú a/pan mě mu kerededet.
Wo a*fí ne ébîn ké mpan mú a/két o-bên mě*.
5Me mu kyibî-onet kyi-fím ké nkéré mú ba/fwon mě.
Ba/fwon mě ne kyibî-dyityém.
6Dyityém kpárám ne ntûntû nké mbyi byěm
ḿbyí wo amu a-ryuu ng.
Ké bubwô ámbu, tángê mě byinyídíng
ké kafâ-dyityém ejí.
7Fîm byibî ejí,
ne me n/chi n-cé kpárám.
Soo mě, ne me n/chi n-cé n-shwôm asháng.
8Chi dyityém ejí dyi-kyú ké bunyîn-dyityém ne ojêe.
Chi byikúú ejí ḿbyí wo aa/sé byi-kyú ké bunyîn-dyityém.
9Cít achi ké byibî ejí,
a-soo kángkáng byibî-byěm ejí.
10Osówo ejí, chi dyityém ejí dyi-firi kpárám,
a-fé mě to busun ḿbú mbu bufyîfî ne ḿbú buda ǒ ekye ofê.
11*Dachi a-ró mě ké bushú eyên*.
*Da mě ekoo Busun eyên*.
12Chî mě ekye bunyîn-dyityém ḿbú wo a/nyii mě ké byibî,
a-chi mě n-kûbángê echi ńkyí wo a/sét.
13Ne me kâng n/chi n-tángê banchi byibî byije eyên,
ne mbé ba/chi ba-bírî ba-kâm ǒ.
[ 14Osówo ejí, nyángê mě ké bukyû ekpú, a-nyii mě,]
ne me n/chi n-sét ne bunyîn-dyityém kyi-kim ne kanong eyên.
15Óburúkpâbí, bâa byibî-ocím ejí,
ne kabyíbabang ejí ka/chi ka-sét akpee eyên.
16Me m/mû n/chi n-chi byifen n-kye ǒ,
n-shí nang byirim-byitú,
nké bii*nyîn ǒ*.
17Ô Osówo, kyifen ejí, ányi dyityém ńdyí degere.
Wo aa*né dyityém ńdyí dii/saa byiko ké byibî ne ńdyí degere*.
18Ô Osówo, cángê dyityém ne oshê eyên mú Záyon, a-chwáp kámú.
Bwât ekpe nyí oshê mú Jerúsélem a-bi.
19Ne kyi/chi kyi-nyîn ǒ ne bachíchí-byifen echi
ne byirim-byitú eten eshí.
Ne ba/chi ba-yip bampong ba-chi kyifen
ké kyikit-kyifen eyên echi.
Currently Selected:
Sâm 51: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
