Sâm 49
49
Enyam eróng nyí Dyityém efé ké Efang
1Nang yeě ojwo ńkyín.
Kángkáng banet ké ejíí,
2nang ḿbé mbe biǐtí nang ḿbé ba*fí biǐtí*
cibicibi ne ḿbé mbe ne esang ne ḿbé kyikpu,
fwôo n̂g atông.
3Okabe ejí o/chi o-kyú kiǐtí.
Me n/chi n-raa byiraa ḿbyí bubong.
4Me n/chi m-bírî dyityém ejí n-tî ké atím-ekan,
ne me n/chi n-sét eringe atím-ekan ányi a/byí
ké nkéré n-kú n-kim m dyícîng.
5Me nn*shî ké nkéré mú afaníkong*
nang ké nkéré mú banet-bushwôn ejí
6ne byibî-banet ḿbé ba/fé atyém ké efang ebe ne byiko etông ké efang ányi baa/wâng mě*.
7Onet oo*man eré dyifwá ńdyí [dyikpen emen*]
o-kye nang Osówo akpuga ké dyishí-dyikpen emen*
8ké nǎ, onet oo*man eré kándyí*.
Ńkyí onet odakye ké dyikpen-onet kii*tigi kyi-kwárê*
9ńkyí onet ámu oo*kpú to ne banyá*
oo*ri dyikun*.
10Nang yeě mu o-nyît ng o/fu,
nang banet-bubong mbe ba-kpú u.
Eringe ebónge to ne enyam-banet ne ḿbé bubong bu*fí*.
Mbé kángkáng mbe ba-kpú u ba-mîng efang ebe ne banryî bukyû.
[ 11Akun] ebe nké nyi kámbé byise ebe.
Mbé ba-waa ng ányi kángkáng nkéré,
nang ké mbé ba/mû ne esí nkéré obónge.
12Efang ee*man enyii nfang-onet ké bukyû*.
Nyǐ o-kpú u to wǎ enyam.
13Ri n̂g ńkyí nkyi kyi-chi i banet ḿbé ba/fé dyityém ne byiko ebe.
Ba-ri [ńkyí nkyi kyi-chi i] banet ḿbé ba/fu,
efang nké eda mě ekwárê.
14Osówo oo/tî kámbé bukyû ekpú wǎ ebû.
Ne bukyû nké bu/chi bu-kyú kámbé wǎ mbâm ebû.
Banet ḿbé mbe ba-chi i kanong ba/chi ba-kpógê kámbé
ké nkéré mú byikúú ebe byi-kú byi-fwôo ng ochéé óchee
ké oshê-bakúsí mú [o*fí fáráng ne oshê ebe*.]
15Nké Osówo o/chi o-nyii mě me.
Nyǐ o/chi o-nyii mě ké abwô nyí bukyû.
16*Dachi a-kérê ké nkéré onet oo/já esang*
ké nkéré esang emen e/jê ojéng e-shwôm*.
17Nyǐ oo*ba/chi o-yip kányí ké nkéré oo/kpú*.
Esang emen ee*dim ne nyǐ ké kyikû ké nkéré baa/ryii ǎ*.
18Nang dyikpen ńdyín dyi-bwa dyi-kwárê onet,
ne banet mbe ba-kpee ng onet ámu,
ké nǎ, nyǐ ka/nwa ǎ,
19nyǐ o/chi o-kâm banchí emen ké oshê-bakúsí,
kyikit ńkyí kyifip nkyi kyi-waa ng ne banyá.
20Efang [ee*man enyii nfang-onet ké bukyû*.]
Nyǐ o-kpú u to wǎ enyam.
Currently Selected:
Sâm 49: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
