Sâm 48
48
Záyon, Oshê mú Osówo
1Óburúkpâbí o/rêe,
ne ba-man ba-kye ǎ akpee kanong kanong
ké oshê mú Osówo eten,
ké kaku emen ńké ociring.
2Záyon mú mu kaku ńké Osówo o/nyâam,
ne mu o-nwa ng bunong.
Oshê mú Otu mú o/rêe o-shwôm mu o-kyâ ejíí emúmú bunyîn-dyityém.
3Osówo oo/tông o/fu, chwǒm kii*ta onet mú mu ne nyǐ
ké kafâ-byise ḿbyí badabwom ba-nwa byití*.
4Batu ba/kpaa barî kyikit kyibónge
ba-bâ bunwa ne kaku-Záyon.
5Nké ké nkéré ba/ri kánké,
mbé ba/waa ocím ké dyishí fúú,
ba-shî ba-chêe.
6Bushî ne kyibî-busông byi/róng kámbé
wǎ onyinyi mú bufwon mbu bu-nwa ng ǎ,
7wǎ bǎnsukyíkang ḿbé kyibî-afú nyi a-náng ng kámbé.
8Be bii/jwo ńkyí Osówo o/chi,
ne bii/ri kánkyí kántîk ké oshê mú Osówo Óburúkpâbí eten mú o/rêe o-shwôm.
Nyǐ oo*ba/chi o-bángê chwǒm kyi-ta oshê ámu ne banyá*.
9Ô Osówo, be byimu byi-kabe ng kyi-kim ne kyijé eyên ńkyí kii*man*
â byi/nung ké kiǐtí-kyise-kyifen eyên echi.
10Banet mbe ba-kyâ ǒ akpee kángkáng byikit,
ne dyizîn eyên ndyi dyi-káng ng ké ejíí emúmú.
Wo amu Otu mú oo*ryí acît*.
11Kyi/bát banet ḿbé Záyon bakyú ne bunyîn-dyityém.
Kyi/bát eshê nyí Júda ekyú ké bunyîn-dyityém,
ké nǎ, bampan eyên mbe ntûntû.
12Banet-Osówo, cen n̂ ba-wáp Záyon
ba-pan biǐnyáám-byikit-mbâm.
13Tún n̂ ekpe ba-ri,
ba-kpúrî byise ḿbyí badabwom ba-nwa byití,
eringe nyí ben badaman esét bwǎn ḿbé mbe ba-bâ ba/fu,
14Osówo mún o-chi i Osówo mú eten ne banyá ne banyá.
Nyǐ o/chi o-tông bě kiǐfáng
ké nkéré mú mu o-bâ.
Currently Selected:
Sâm 48: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
