Sâm 47
47
Óburúkpâbí mú mu Otu mú Ejíí
1Kángkáng banet, shwóm m̂ akwâ ké bunyîn-dyityém.
Kwán n̂ ekwan-akpee ne ejá kyíbóng kyíbóng ba-kye Osówo.
2Ké nǎ, Óburúkpâbí mú mu kyíbóng kyíbóng mu Osówo
mú bada ǎ eshî.
Nyǐ mu Otu mú o/rêe o-shwôm,
mú mu o-tún n ejíí kángkáng.
3Nyǐ oo/chi banet ba-firi ké bubwô eten.
Nyǐ oo/chi eshê e-firi ké bubwô eten.
4Nyǐ o/cá esí ńnyín nyí byimu byi-tông ng byiko ké nyǐ.
Esí nyí o/kye Jekôp mú oda ǎ ejê.
5Osówo oo/yú kyíbóng ké kakyúng-butu emen.
Banet mbe ba-jêe ng ne ejá kyíbóng kyíbóng,
ne mbe ba-jwá ng bantán
ké nkéré Óburúkpâbí mu o-yú u o-câ kyíbóng.
6Kwán n̂ ekwan-akpee ba-kye Osówo.
Kwán n̂ ekwan-akpee ba-kye Otu eten.
7Osówo nké mu Otu mú ejíí kángkáng.
Kwán n̂ ekwan ba-kpee ǎ.
8Osówo mu o-kyú u ké kakyúng-butu-ociring ńké emen.
Nyǐ nké mu o-tún n eshê kángkáng wǎ Otu.
9Batu ḿbé eshê ba/cibi kyikit kyibónge [ne banet] ḿbé Osówo mú Ébarahâm,
ké nǎ, Osówo mu ne busa o-shwôm kángkáng bannwa byití.
Nyǐ mu Otu mú o/rêe.
Currently Selected:
Sâm 47: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
