Sâm 46
46
Osówo mu ne be
1Osówo nké mu kyikit-dyirem eten ne busa eten.
Nyǐ kángkáng nkéré o/kpá byiko
ḿbyí oda bě echwáp ké nkéré-afaníkong.
2Ké bubwô ámbu, be bii*ba/chi byi-shî*
nang esí e-náng*
nang eku e-bûu e-róng ké biǐríbíríbí-baya*
3nang baya ḿbé baryên ba-rime ne bunâng*
ne nang bunâng ebe bu-chi eku e-náng*.
4Kace nke kô ńké nke ka-bâ ne bunyîn-dyityém
ké oshê mú Osówo,
ké kyise ńkyí kyi/já Osówo mú kyíbóng kyíbóng.
5Osówo mu ké oshê ámu,
ne oshê ámu oo*nwa ebên ne banyá*.
Osówo o-bâ ng enyii kámú pirípirí ké dyicófóróng.
6Eshê e/firi ké bushî,
batu ba/firi byiryibyiryi.
Ké nkéré Osówo o/nyán,
esí e/sáng wǎ bano.
7Óburúkpâbí mú o/rêe o-shwôm mu ne be.
Osówo mú Jekôp nké mu kyikit-dyirem eten.
8Bâ n̂g ba-ba-ri ńkyí Óburúkpâbí oo/chi.
Ri n̂g akat-byěm nyí nyǐ oo/chi ké ejíí.
9Nyǐ mu o-kám m byití ké ejíí emúmú.
Nyǐ mu o-bún n báre, o-bên n byíbye.
Ne mu o-fâ édem ké okwâ e-shí kángkáng.
10Nyǐ mu o-raa ng o/fu, mîng n̂g bunwa,
ba-nyît ba/fu, me n-chi i Osówo.
Me n/rêe n-shwôm eshê kángkáng ne ejíí kángkáng.
11Óburúkpâbí mú o/rêe o-shwôm mu ne be.
Osówo mú Jekôp nké mu kyikit-dyirem eten.
Currently Selected:
Sâm 46: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
