Sâm 44
44
Nshwam-Oku ké Afaníkong
1Ô Osówo, be bii/jwo kánkyí ne atông eten.
Banchí eten ḿbé kpákpá baa/sét bě kyi-kim ne nkyí,
kyi-kim ne biǐtí-byěm ḿbyí wo a/chi ké nkéré mú ebe,
ké ací nyí a/shwôm ké esim,
2eringe nyí wo oyén a/ró banshâng bakye,
a-tî banet eyên ké esí ebe,
ne eringe nyí a/kye eshê ányi busông
a-chi nyí eyên e-firi ké byiko ebe.
3Banet eyên ba*da/kúng bushwám ebe ne ba-kpógê esí ányi ba-koo*.
Ba*da/koo kányí ké busa ḿbú ebe*.
Kyi/mû ké bubwô eyên
ne busa eyên ne osêt mú a/sét kámbé ntûntû a/fu,
wo oyén a-kyú u ne mbé nké kyi/tông kyi/fu,
mbé mbe ba-jê ng ǒ.
4Wo a-chi i Otu [ne Osówo ejí.
Wo amu a-chi i] banet eyên ba-kpógê,
5ne ké busa eyên,
be byimu byi-kpógê ng banet-bushwôn eten.
6Me nn*fé dyityém ké búre ejí*
nang ké kashwám ejí* n/fu,
byi-nyii ng mě*.
7Nké wo aa/nyii bě ké abwô nyí banet-bushwôn eten,
a-kpógê banet ḿbé be byimu byi-sa ng kámbé kafâ.
8Be byi-kyâ ǒ akpee kángkáng nkéré,
ne byi-kó ng ǒ asǎma ne banyá.
9Nké kántîk, wo aa/né bě a-mîng ba-kpógê bě.
Wo a*fí to a-dim m byití ne bannwa byití eten*.
10Wo a/chi bě byi-chêe banet-bushwôn eten,
ne mbé ba/yip byěm ḿbyí byi/mû ḿbyí eten byi-firi ḿbyí ebe.
11Wo a/bángê ba-ju bě wǎ ebû.
Wo a/chi bě byi-firi byiryibyiryi ké eshê-banet.
12Wo a/shee banet eyên ké boǒnyín-akpuga
[éné wǎ a/kabe a/fu, mbé ba*da/jang ebyí chwǒm*.]
13Barî-banet eten mbe ba-ri ng ńkyí wo a/chi bě,
ne mbé mbe ba-fát ng bě kiikuku,
ne mbe ba-jwó ng bě.
14Wo aa/chi bě byi-firi chwǒm ńkyí banshâng bakye badakúng dángé.
Byi/firi kámbé chwǒm-éjwô.
15Me n/firi banet ké achi dángé kángkáng nkéré.
Éshwân ee/cít mě bushú kángkáng
16ké byiraa ejwo ḿbyí edángé ne ḿbyí ecábé
ḿbyí banet-bushwôn ejí
ne banet ḿbé me mu n-sa ng kámbé kafâ.
17Ḿbyín kángkáng bii/chi bě be
nang ké byi*da ǒ eráp ne*
byi-bên ocím eyên mú byi/ryí ǒ byi-sem dyizîn eyên.
18Be byi*da/né dyityém efé ne wo*.
Be byi*da/né ne echi ńkyí wo a/sét*.
19Nang ké nkyi éné, wo a/mîng bě abwô dyikáá
byi-firi ké bubwô ḿbú byibî-enyam.
Wo a/mîng bě ké kyifip ńkyí kyi/jîi kyi-shwôm.
20Â be byi/mû bii/mîng Osówo eten ofê ekye,
byi-kûfé nshwam byi-kyâ osówo mú eshê ekíri,
21wo ké ntûntû, něen a/mû aa/nyît kánkyí,
ké nǎ, wo amu a-nyît ng ekabe nyí ké kafâ-atyém eten.
22Nké nkyi ké dyishí eyên nké mbe ba-ju ng bě kángkáng nkéré,
ba-chi i bě wǎ ebû nyí mbe ba-wâa ng edaju.
23Óburúkpâbí, bûu.
Ebóng ńkyí wo amu a-rê ng.
Bûu, wo oyén.
*Da bě ené ne banyá*.
24Ebóng ńkyí wo amu a-rem m bě.
*Daráp busông ne afaníkong eten*.
25Ké nǎ, be bii/myii ba-shiryi bě ba-fé kyísí.
Be baa/kpógê bě ba-ren bě ké édúkǎndú.
26Bâ a-chwáp bě.
Nyii bě ké bubwô-kyijé eyên ńkyí kii*man*.
Currently Selected:
Sâm 44: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
