Sâm 43
43
Nshwam mú Onet mú ba/ró ǎ ké Oshê Emen
1Osówo ejí, két mpan o-nwa mě,
a-nyii mě ké abwô nyí banet ḿbé baa*nyît ǒ*.
Nyii mě ké abwô nyí byibî-banet ne bansêt byisédéng.
2Wo nké amu Onet-Onyii ejí,
ebóng ńkyí wo aa/né mě me.
Ebóng ńkyí me ndachîri busông n-ca kashú
ké dyityém ebên ńdyí banet-bushwôn ejí.
3Twóm kiinwángé ne ntûntû eyên byi-bâ.
Mîng kámbyí byi-bwa esim ne me ké kaku-ociring eyên ńké badakó Záyon,
ne ké kiǐtí-kyise-kyifen eyên echi ńkyí amu a-kyú u.
4Ne me n/chi n-nung kâng ké kyikit-kyifen eyên echi.
Wo nké amu bunyîn-dyityém ejí.
Me n/chi n-kim dyícîng ejí
n-kwán to ekwan-akpee n-kye ǒ, ǎ Osówo ejí.
5Ebóng ńkyí me mu bafip báfip.
Ebóng ńkyí dyityém ejí ndyi ké afaníkong.
Me n/chi n-tî achi ejí ké Osówo.
Ne me n/chi n-chî ǎ ekye akpee.
Nyǐ mú mu Onet-Onyii ejí ne Osówo ejí.
Currently Selected:
Sâm 43: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
