Sâm 42
42
Nshwam mú Onet mú ba/ró ǎ ké Oshê Emen
1Osówo ejí, me mu n-kyé ng ǒ
wǎ eringe nyí enyam nyi e-kyé ng kace ńké nke ka-kune e bembem.
2Osówo mú odakye dyikpen,
me mu n-kyé ng ǒ.
Sét mě nkéré mú n/chi n-já bukwóp ḿbú nda ǒ ekye ofê ké bushú eyên.
3Me mu n-tii ng bukyû buchú ne esû.
Batíí nké mbe byiryíng ejí.
Kángkáng nkéré banet-bushwôn ejí mbe ba-bí ng mě ba/fu,
Osówo eyên kâng.
4Dyityém ejí dyi-firi ng bafip báfip
ké nkéré nn/zîim nkéré mú o/shwôm ké esim,
ne ké nkéré mú m/mû nn/wâa ké kyise ńkyí Osówo
ne burwám-banet ḿbú mbu bu-bâ mě ké kyikû.
Burwám-banet ḿbú mbu ké bunyîn-dyityém bu-kwán n ekwan ne ejá kyíbóng kyíbóng ba-kyâ Osówo akpee.
5Ebóng ńkyí me mu bafip báfip.
Ebóng ńkyí dyityém ejí ndyi ké afaníkong.
Me n/chi n-tî achi ejí ké Osówo.
Ne me n/chi n-chî ǎ ekye akpee.
Nyǐ mú mu Onet-Onyii ejí ne Osówo ejí.
6-7Dyityém ejí dyi/firi bafip báfip
nyín ké kyikit ńkyí ba/ró mě ba-twóp ké oshê ejí,
ne ké bubwô ámbu, me n-zîim m Osówo ejí.
Nyǐ oo/twóm mě bafip ké azong ké azong.
Afaníkong a-ringe e mě
éné wǎ biintîm puupuu ḿbyí mbyi byi-fím m ké kaku ńké Hémon ne ńké Myíza
byi-róng ng ké kace ńké Jódan.
8Kyi/bát ne esû Óburúkpâbí otông kyijé emen ńkyí kii*man*
eringe nyí ne buchú,
me n/chi n-kyú ne okwan ne nshwam to mú ndakye Osówo
mú mu ne dyikpen ejí.
9Osówo mú mu Onet-Onyii ejí nké me mu m-bí ng ǎ n/fu,
ebóng ńkyí nyǐ oo/ráp mě.
Ebóng ńkyí me ndachîri busông n-câ kashú
ké dyityém ebên ńdyí banet-bushwôn ejí.
10Edángé nyí mbé mbe ba-kyâ mě ee*nwa eri*
ké nǎ, mbé mbe ba-bí ng mě ba-nye ng ba-fâ ba/fu,
Osówo eyên kâng.
11Ebóng ńkyí me mu bafip báfip.
Ebóng ńkyí dyityém ejí ndyi ké afaníkong.
Me n/chi n-tî achi ejí ké Osówo.
Ne me n/chi n-chî ǎ ekye akpee.
Nyǐ mú mu Onet-Onyii ejí ne Osówo ejí.
Currently Selected:
Sâm 42: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
