Sâm 41
41
Nshwam mú Onet-Kyirwóm
1Bunyîn-dyityém mbu ne banet ḿbé mbe ba-kabe ng kyi-kim ne banet-kyikpu.
Óburúkpâbí o/chi o-chwáp kámbé ké nkéré ba/firi ké afaníkong.
2Óburúkpâbí o/chi o-ku kámbé ké afaníkong o-tî akpen ebe.
O/chi o-chi kámbé ba-kyú ké bunyîn-dyityém ké esí ebe.
Nyǐ oo*ba/chi o-mîng kámbé ba-firi ké busa ḿbú banet-bushwôn ebe*.
3Óburúkpâbí o/chi o-chwáp kámbé ké nkéré ba-kú ba-rwôm m,
ne o/chi o-chi byirwóm ebe byi-man.
4Me n/raa n/fu,
me nn/chi kyibî ké bushú eyên, ǎ Óburúkpâbí.
Ri mě bafip a-chi mě n-nyange.
5Banet-bushwôn ejí mbe ba-raa ng byibî-byěm kyi-kim ne me.
Mbé mbe ba-ryuu ng ba/fu,
me mkpú [ba-ráp mě.]
6Banet ḿbé mbe ba-bâ ng mě eri ba*fí ne atyém wááng*.
Mbé mbe ba-kyé ng byibî-bǎmpém ba-kim ne me,
ne mbe ba-byí i ba-sét ng ba-câ kángkáng byikit.
7Kángkáng banet ḿbé mu n-sa ng kámbé kafâ mbe ba-sét ng barî byěm ké booju kyi-kim ne me.
Mbé [mbe ba-kabe ng ba/fu,
ńkyí kyi/bên kyi-shwôm kyibâ kyi-kâm mě.]
8Mbé mbe ba-sét ng ba/fu,
nyǐ mu o-rwôm m kyibî-kyirwóm.
Oo*ba/chi o-chîbûu ké karíng emen ne banyá*.
9Nang ocín-dyityém ejí mú n/tî dyityém ne nyǐ n-shwôm,
mú byimu byi-ryí i byiryíng ejí burwám,
oo/bírî mě esim.
10Óburúkpâbí, ri mě bafip,
a-chi mě n-nyange.
Ne me n/chi n-só banet-bushwôn ejí ewa.
11Mbé baa*ba/chi ba-kpógê mě*
ne me n/chi n-nyît n/fu,
wo nkyi kyi-nyîn n ǒ ne me.
12Wo a-chwáp ng mě,
ké nǎ, me mu n-chi i ńkyí nkyi kanong.
Wo a-tî ng mě ké bushú eyên ne banyá.
13Kye n̂g Osówo Óburúkpâbí mú Ézerel akpee.
Kye n̂g ǎ akpee kántîk ne ne banyá.
Kyi/bát kyikyú éné.
Currently Selected:
Sâm 41: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
