Sâm 4
4
Nshwam-Dyikurúku mú Ochwâp
1Ô Osówo, Onet-Onyii ejí,
faa mě ojá ké nkéré n-kú n-fâ nshwam.
Wo a/chwáp mě ké nkéré m/mû ké afaníkong.
Cángê dyityém ne me kántîk a-jwo nshwam ejí.
2Ben banet ḿbén, ka-rí i nǎ ne ba-mîng mě edángê.
Ka-rí i nǎ ne ba-mîng kyijé etông ké ńkyí kyi*da/byí chwǒm*
ne ńkyí kyi*fí ké kafâ*.
3Zîim m̂ ba/fu, Óburúkpâbí oo/cá banet
ḿbé mbe ba-chi i kanong ba-firi ḿbé emen,
ne nyǐ mu o-jwo ng mě ké nkéré n-kú n-kó ng ǎ.
4Tím m̂ banê ne bushî ba-mîng byibî echi.
Kabe n̂g kanong kanong kyi-kim ne ńkyín
ké nkéré baa/rí sáre ké buríng enen.
5Chi n̂g byifen ḿbyí byi/kwárê ba-kye Óburúkpâbí
ba-tî dyityém ké nyǐ.
6Banet mbe kô chwóó ḿbé mbe ba-fâ nshwam ba/fu,
Óburúkpâbí, kye bě ojware chwóó.
Tún bě ne dyityém ecángê.
7Nké bunyîn-dyityém ḿbú wo aa/kye mě bu/jê bu-shwôm
ḿbú mbé ba/chi ba-já ne kángkáng byiryíng ne bato ebe.
8Me mu n-rê ng ne bunyîn-dyityém
ké nkéré nn/rí sáre.
Ô Óburúkpâbí, wo kǎnchí nké amu a-tî ng mě n-fem kanong kanong.
Currently Selected:
Sâm 4: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
