Sâm 3
3
Nshwam-Dyicófóróng mú Ochwâp
1Óburúkpâbí, me n/jê ne banet-bushwôn n-shwôm.
Bujê chwóó mbe ba-bírî ng bunwa ne me.
2Mbé mbe ba-raa ng kyi-kim ne me ba/fu,
Osówo oo*ba/chi o-chwáp ǎ*.
3Nké wo, ǎ Óburúkpâbí, nké amu mě édem kángkáng nkéré ké nkéré-ofene.
Wo amu a-chi i mě m-kpógê
ne amu a-tî ng dyityém ejí shwaneshwane.
4Me mu n-kó ng Óburúkpâbí n/fu, ochwáp mě,
ne nyǐ mu o-faa ng mě ojá ké kaku-ociring emen.
5Me mu n-rí i n-rê ng,
ne Óburúkpâbí mu o-ku ng mě buchú bumúmú.
6Me n*fí n-shî ng bajam-égot-banet-bushwôn
ḿbé ba/wâng mě byicê byimúmú*.
7Óburúkpâbí, bâ. Osówo ejí, nyángê mě.
Wo amu a-kyâ kángkáng banet-bushwôn ejí busông,
a-chi busa bu-man kámbé ḿbú mbé bada mě enémê.
8Okpóge mu o-fím m ké abwô nyí Óburúkpâbí.
Kyi/bát nyǐ ojware banet emen.
Currently Selected:
Sâm 3: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
