Sâm 37
37
Dyikpen ńdyí Byibî-Banet ne ńdyí Banet ḿbé Banong
1*Da n̂g ekérê kyi-kim ne byibî-banet*.
Orêm o*da běn echi kyi-kim ne byibî-banet*.
2Ké nǎ, mbé ba/chi ba-rím babap wǎ biǐbyâa
ne byichí ḿbyí byidashí ḿbyí ké nkéré burwom.
3Tî n̂g dyityém ké Óburúkpâbí ba-chi ńkyí nkyi kanong,
eringe nyí badakyú ké bunyîn-dyityém
ké esí nyí nyǐ o/ryí běn ocím.
4Óburúkpâbí okyú bunyîn-dyityém enen
ne nyǐ o/chi o-kye běn ńkyí bamu ba-ryuu ng.
5Kúng n̂g byiko enen ba-kye Óburúkpâbí.
Tî n̂g atyém enen ké nyǐ,
ne nyǐ o/chi o-chwáp běn.
6Nyǐ o/chi o-chi kanong enen ka-firi wááng wǎ kiinwángé,
ne kanong enen echi ka/chi ka-kûsan wǎ esû nyí busun mánmán.
7Kyú n̂g beem ké bushú ḿbú Óburúkpâbí,
ba-bám ǎ o-chi ńkyí nyǐ mu o-ryuu ng.
*Da n̂g ekérê kyi-kim ne banet ḿbé ka/nwa kámbé*
nang kyi-kim ne banet ḿbé mbe ba-câ kashú ne byěm ḿbyí byibî-ekabe ebe*.
8*Da n̂g esa kafâ*.
*Da n̂g ekérê*.
Kanong ka*fí ányi*.
9Banet ḿbé mbe ba-tî ng atyém ebe ké Óburúkpâbí ba/chi ba-já esí nyí Óburúkpâbí o/ryí ocím.
Nké Óburúkpâbí o/chi o-ró byibî-banet.
10Ké kaǎnyín-nkéré byibî-banet byi/chi byi-rím.
Ba-man n ekyé kámbé,
nké baa*ba/chi ba-ri kámbé*.
11Nké banet ḿbé mbe degere ba/chi ba-já esí
nyí Óburúkpâbí o/ryí ocím,
ba-já to byěm chwóó.
12Kyibî-onet kyi-pám m onet mú mu o-chi i kanong,
o-tún n ǎ byibî-achi ne dyityém-busa.
13Óburúkpâbí o-jwó ng kyibî-onet ánkyi,
ké nǎ, mu o-nyît ng o/fu,
kyibî-onet ánkyi kii*bwon ne kyi-tánê*.
14Byibî-banet mbe ba-zú ng bushwám ebe ba-sep ng báre ebe,
eringe nyí mbé badaju banet-kyikpu ne ḿbé ba*fí ne chwǒm*
ne eringe nyí mbé badaju banet ḿbé mbe kanong.
15Nké mbé bushwám ebe bu/chi bu-ju kámbé mbé bayén,
ne báre ebe ba/chi ba-byíryî cogecoge.
16Kaǎnyín ńké onet mú kanong mu ne nké nke kiǐtí ka-shwôm kángkáng efang nyí byibî-banet,
17ké nǎ, Óburúkpâbí o/chi o-bún acit nyí byibî-banet.
Nké o/chi o-ku banet ḿbé mbe kanong.
18Óburúkpâbí o-nen n banet ḿbé mbe ba-chi i ńkyí nyǐ o/sét,
ba/chi ba-já esí nyí Óburúkpâbí o/ryí ocím.
19Mbé baa*ri afaníkong ké kyibî-nkéré*.
Mbé ba-já ng ńkyí kyidakwárê kámbé ké nkéré mú kyifang.
20Nké byibî-banet ba/chi ba-kpú.
Banet-bushwôn ḿbé Óburúkpâbí ba/chi ba-shí wǎ ekong-biǐbyâa.
Mbé ba/chi ba-rím wǎ arúkwâ.
21Kyibî-onet kyi-pwoo ng, kii*só*.
Nké onet mú mu kanong o/cángê dyityém ne o-yárê ng banet.
22Banet ḿbé Óburúkpâbí o/jware kámbé ba/chi ba-já esí nyí Óburúkpâbí o/ryí ocím.
Nké Óburúkpâbí o/chi o-ró banet ḿbé nyǐ oo/shú.
23Óburúkpâbí o-tông ng onet kyiká-bucen ńkyí odakúng,
ne o-bám m onet mú mu o-nyîn n ǎ dyityém.
24Nang onet ámu o-róng, oo*waa kyísí*
ké ebóng, Óburúkpâbí o-chwáp ng ǎ o-bûu.
25Me kántîk nn/kâa, n*fí to wǎsíng*
nké n*da/ri ne onet mú mu kanong mú Óburúkpâbí oo/bírî ǎ esim*
n-ri nang bwǎn emen ba-rém byiryíng*.
26Kángkáng nkéré, onet mú mu kanong o-yárê ng byěm,
ne o-pwoo ng banet byěm,
ne bwǎn emen ba/firi ǎ ojware mú Osówo.
27Mîng n̂g byibî-byěm echi ba-chi kanong,
ne bwǎn enen ba/chi ba-kyú kángkáng nkéré ké esí nyí Óburúkpâbí o/ryí běn ocím.
28Ké nǎ, chwǒm ńkyí nkyi kanong kyi-jê ng Óburúkpâbí,
ne nyǐ oo*bírî banet ḿbé ba/fé dyityém ne nyǐ esim*.
Nyǐ o-ku ng kámbé ne banyá.
Nké Óburúkpâbí o-ró ng bwǎn ḿbé byibî-banet.
29Banet ḿbé mbe ba-chi i kanong ba/chi ba-já esí nyí Óburúkpâbí o/ryí ocím,
ba-kyú ké nyǐ ne banyá.
30Ejá nyí onet mú mu kanong nyi nyí bubong,
ne onet ámu o-raa ng ńkyí nkyi ntûntû.
31Nyǐ o-tî ng byije ḿbyí Osówo emen ké dyityém
ne oo*mîng kámbyí cát ne banyá*.
32Kyibî-onet kyi-kpúrî ng onet mú mu kanong
ne kyi-kan n kyi/fu, nkyí kyi-ju ng ǎ.
33Nké Óburúkpâbí oo*bángê onet mú mu kanong o-róng ké abwô nyí onet-bushwôn emen*
o-mîng nang ba-két mpan o-bên ǎ nkéré mu ké mpan*.
34Tî n̂g okabe enen ké Óburúkpâbí
ba-chi wǎ eringe nyí byije emen byi/sét.
Nyǐ o/chi o-chi běn ba-kyú ne ofê
nkéré mú baa/já esí nyí nyǐ o/ryí ocím.
Ne ben ba/chi ba-ri Óburúkpâbí o-ró byibî-banet.
35Me nn/ri kyibî-onet ńkyí kyi/mû kyi/bên dyityém.
Nkyí kyi/mû kyi/nárê kyi-shwôm nang yeě,
éné wǎ dyisín-kyichí ńkyí badakó séda ńkyí nkyi ké Lebánon.
36Nké ńdyí n/chîshwôm ányi, nyǐ o*fí to*.
Me n/kyé ǎ, nké n*da ǎ echîri*.
37Kpúrî onet mú onong
a-kabe kyi-kim ne onet mú mu o-chi i kanong.
Onet mú o/nwa dyityém o-kyú u ne bwǎn.
38Nké Óburúkpâbí o-ju ng banchi byibî,
ne o-shiryi ng kángkáng bwǎn ebe.
39Óburúkpâbí o-nyii ng banet ḿbé mbe ba-chi i kanong,
ne o-ku ng kámbé ké nkéré mú afaníkong.
40Óburúkpâbí o-chwáp ng kámbé ne o-nyii ng kámbé to.
O-nyii ng kámbé ké abwô nyí byibî-banet,
ké nǎ, mbe ba-rem m ké busi emen.
Currently Selected:
Sâm 37: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
