Popular Bible Verses from Sâm 37

Share

Óburúkpâbí okyú bunyîn-dyityém enen ne nyǐ o/chi o-kye běn ńkyí bamu ba-ryuu ng.

Kúng n̂g byiko enen ba-kye Óburúkpâbí. Tî n̂g atyém enen ké nyǐ, ne nyǐ o/chi o-chwáp běn.

Kyú n̂g beem ké bushú ḿbú Óburúkpâbí, ba-bám ǎ o-chi ńkyí nyǐ mu o-ryuu ng. *Da n̂g ekérê kyi-kim ne banet ḿbé ka/nwa kámbé* nang kyi-kim ne banet ḿbé mbe ba-câ kashú ne byěm ḿbyí byibî-ekabe ebe*.

Tî n̂g dyityém ké Óburúkpâbí ba-chi ńkyí nkyi kanong, eringe nyí badakyú ké bunyîn-dyityém ké esí nyí nyǐ o/ryí běn ocím.

Óburúkpâbí o-tông ng onet kyiká-bucen ńkyí odakúng, ne o-bám m onet mú mu o-nyîn n ǎ dyityém. Nang onet ámu o-róng, oo*waa kyísí* ké ebóng, Óburúkpâbí o-chwáp ng ǎ o-bûu.

Nyǐ o/chi o-chi kanong enen ka-firi wááng wǎ kiinwángé, ne kanong enen echi ka/chi ka-kûsan wǎ esû nyí busun mánmán.

*Da n̂g esa kafâ*. *Da n̂g ekérê*. Kanong ka*fí ányi*.

Me kántîk nn/kâa, n*fí to wǎsíng* nké n*da/ri ne onet mú mu kanong mú Óburúkpâbí oo/bírî ǎ esim* n-ri nang bwǎn emen ba-rém byiryíng*.

*Da n̂g ekérê kyi-kim ne byibî-banet*. Orêm o*da běn echi kyi-kim ne byibî-banet*.