Sâm 36
36
Dyityém ebên ńdyí Banet
1Kyibî kyi-raa ng ne mbên dyityém ké kafâ-dyityém emen.
Nyǐ mu o-né ng Osówo ne oo*kye ǎ ofê*.
2Nyǐ mu o-kabe ng o/fu,
Osówo oo*ba/chi o-ri kyibî emen o-két mpan o-bên ǎ*
ké nǎ, nyǐ mu o-kabe ng o/fu,
nyǐ ké byiko emen o/rêe o-shwôm.
3Byiraa emen bii*nwa* ne mbyi byisédéng byísedeng.
Nyǐ o*fí to o-chi i ńkyí nkyi ne bubong*
ne ńkyí nkyi kanong*.
4Nyǐ o-kabe ng kyibî-okabe ké nkéré oo/rí sáre.
Chwǒm kyi*fí ńkyí nyǐ mu o-chi i ńkyí nkyi kanong*
ne oo*né chwǒm nang kyibónge ńkyí nkyi kyibî*.
Dyityém enwa ńdyí Osówo
5Óburúkpâbí, kyijé eyên ńkyí kii*man* nkyi kyi-ribi ng kyíbóng.
Ocím eyên etî mú a/ryí mu o-ribi ng kyíbóng.
6Kanong eyên ńké amu a-chi i ka/nárê wǎ eku.
Mpan eyên mú acît a*fí* o/ríbî wǎ buríbi-baya ḿbé baryên.
Banet ne enyam mbyi ké abwô eyên.
[ 7Ô Osówo, kyijé eyên ńkyí kii*man* kyi/nwa kyi-shwôm.
Be byimu byi-ri ng] kyikit-dyirem ké dyifít-kiǐríribí-abyibabang eyên.
8Be byimu byi-ryí i bujê-byiryíng eyên ḿbyí amu a-kyâ,
a-mîng bě byi-jwáp omu ké kace ńké kanong eyên.
9Kángkáng akpen nyi a-fím m ne wo,
ne be byimu byi-ri ng kiinwángé ké bubwô ḿbú kiinwángé eyên.
10Kûjê banet ḿbé mbe ba-nyît ng ǒ a-câ kashú.
A-chi kanong a-kye banet ḿbé mbe ba-chi i kanong.
11*Damîng bantông byiko ba-bírî bunwa ne me*
nang bambên atyém ba-chi mě n-chêe*.
12Ri n̂g kyikit ńkyí banchi byibî baa/róng.
Mbé baa/waa ányi kyísí,
baa*man to ebûu*.
Currently Selected:
Sâm 36: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
