Sâm 32
32
Byibî esét ne Opwoo-Byibî
1Bunyîn-dyityém mbu ne onet mú Osówo oo/pwoo ǎ byibî.
Bunyîn-dyityém mbu ne onet mú Osówo oo/shî ǎ byibî.
2Bunyîn-dyityém mbu ne onet mú Óburúkpâbí o/fu,
o*da/chi kyibî-chwǒm*.
Bunyîn-dyityém mbu ne onet mú o*fí ne kaǎnínǐm ké dyityém*.
3Me m/mû nn/kyee ké bukyû ḿbú mu n-tii ng kángkáng dyicí
ké nkéré mú n*da/sét byibî ejí*.
4Óburúkpâbí, buchú ne esû, wo a/mû a-kyâ mě busông.
Busa ejí boo/man mě kángkáng
éné wǎ biǐntóng ḿbyí byidaman ké burwom.
5Ne n-sét ǒ kâng byibî ejí.
N*da/cít kámbyí*.
Me m/bángê n/fu, n-sét ng ǒ kámbyí.
Ne wo a/pwoo mě ké mbyí.
6Ké bubwô ámbu kâng,
nang yeě mú mu o-nyît ng ǒ ofé nshwam o-kye ǒ
ké nkéré mú [afaníkong.]
Eringe nyí kiǐsúsú-baya ńkyí nkyi kyi-bâ ne busa kii*kâm kámbé*.
7Wo amu mě wǎ kyikit ńkyí ndarem.
Wo a-nyii ng mě ké afaníkong.
Me mu n-kwán n kyíbóng kyíbóng kyi-kim ne onyii eyên,
ké nǎ, wo amu a-ku ng mě.
8Óburúkpâbí mu o-raa ng o/fu,
me n/chi n-tángê ǒ bukwóp ḿbú wo adace.
Me n/chi n-tángê ǒ n-kye ǒ bacê.
9*Daróng enyam wǎ kabyî-orá* ńké badafé kánké kaǎkím-kaǎré ké ocím*
eringe nyí kadachi ńkyí wo amu a-ryuu ng*.
10Banchi byibî ba/chi ba-ri busông.
Nké kyijé ńkyí Óburúkpâbí ńkyí kii*man*
kyi/chi kyi-nyii banet ḿbé mbe ba-tî ng dyityém ké nyǐ.
11Kángkáng banet ḿbé mbe ba-chi i kanong bajêe
ba-kyú ne bunyîn-dyityém ké ńkyí Óburúkpâbí oo/chi.
Kángkáng banet ḿbé mbe ba-chi i ńkyí nyǐ o/sét, jêe n̂g.
Currently Selected:
Sâm 32: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
