Sâm 30
30
Nshwam-Asǎma ekó
1Óburúkpâbí, me mu n-kyâ ǒ akpee,
ké nǎ, wo aa/nyii mě ké abwô nyí banet-bushwôn ejí,
ne aa/chi mě eringe nyí mbé baa*jêe ké orông ejí*.
2Ô Osówo Óburúkpâbí ejí,
me n/tii bukyû n-kó ǒ n/fu, chwáp mě,
ne wo a/nyángê mě.
3Wo a/chi mě n-fem ké dyikun enung.
Me m/mû n-kú n-cen n n-câ ḿbú oshê-bakúsí,
nké wo a/nyii dyikpen ejí.
4Kángkáng banet-Óburúkpâbí ḿbé banong,
kwán n̂ ekwan-akpee ba-kye Óburúkpâbí.
Zîim m̂ kanong ńké emen, ba-kó ǎ asǎma.
5Dyityém emen dyi-sa ng ǎ ké kaǎnyín-nkéré,
kanong emen ka-waa ng ké dyikpen eyên kángkáng.
Nang batíí ba-byí ne buchú,
bunyîn-dyityém mbu bu-bâ ké dyicófóróng.
6Me m/mû n/ri n/fu, chwǒm kii*man mě eking*
ne n-raa ké dyityém n/fu,
me baa*kpógê mě ne banyá*.
7Óburúkpâbí, wo a/mû kanong ne me.
Wo a/ku mě wǎ kaku ńké shwaneshwane.
Nké nang kyi/mû éné,
wo a/rôo mě byiko eyên ne bushî bu/róng mě.
8Me n/kó ǒ, ǎ Óburúkpâbí.
N-tîm ǒ arông n/fu, chwáp mě.
9Wo a-ryí i ebóng mpún ké bukyû ejí ekpú.
Wo a-ryí i ebóng ké oryii ejí ké dyikun.
Bakúsí ba-man n ǒ ekye akpee dí.
Mbé ba-man n esét kyi-kim ne kanong eyên ńké kaa*man dí*.
10Óburúkpâbí, jwo mě, ri mě bafip.
Óburúkpâbí, chwáp mě.
11Wo aa/yángê bafip ejí ba-firi ane nyí bunyîn-dyityém.
Wo aa/kúng bafip ejí a-wâng mě ne bunyîn-dyityém.
12Ké bubwô ámbu, me mm*ba/chi n-cíbî pyêp*
me n/chi n-kye ǒ akpee ké ekwan ekwán.
Óburúkpâbí, wo nké amu Osówo ejí.
Me n/chi n-kó ǒ asǎma ne banyá.
Currently Selected:
Sâm 30: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
