Sâm 29
29
Ejá nyí Óburúkpâbí ké Bufú ḿbú Buryên
1Ben [byěm ḿbyí mbyi kyíbóng,] kye n̂g Óburúkpâbí akpee.
Kpee n̂g busan emen ḿbú ragerage ne busa emen.
2Kye n̂g kiǐtí-dyizîn ńdyí Óburúkpâbí akpee.
Tíngê ê kyísí ba-kye Óburúkpâbí ofê
[ké nkéré oo/byí kyíjí.]
3Mbe ba-jwo ng ejá nyí Óburúkpâbí ké baya ḿbé baryên.
Osówo mú ragerage mu o-nyán n wǎ etare,
ne ejá emen nyi e-byí i ké baya bamúmú.
4Mbe ba-jwo ng ejá nyí Óburúkpâbí.
Nyǐ nyi ne busa ne e/rêe.
5Ejá nyí Óburúkpâbí nyi e-sé ng byichí.
Nyi e-sé ng nang byichí ḿbyí Lebánon.
6Nyǐ mu o-chi i eku nyí Lebánon e-nyíp ng kyíbóng wǎ boǒbwán-bampong,
ne mu o-chi i kaku ńké Hémon ka-nyíp kyíbóng wǎ wǎn-mpong.
7Ejá nyí Óburúkpâbí nyi e-chi i kasabang ka-kédê ng.
8Ejá emen nyi e-chi i kyikim-dyikán kyi-náng.
Nyǐ mu o-náng ng kyikim-dyikán ńkyí Kádyishi.
9Ejá nyí Óburúkpâbí [nyi e-ninge e biǐsín-byichí]
e-roo ng eshǎan e-pwó ng kyísí,
ne kángkáng banet ḿbé mbe ké kafâ-kiǐtí-kyise-kyifen emen echi ba-wonge e ne ejá kyíbóng ba/fu,
akpee akyú ne Osówo.
10Biǐríbíríbí-baya mbyi ké bubwô-Óburúkpâbí.
Nyǐ mu o-níbî ng kámbyí wǎ Otu.
11Óburúkpâbí mu o-kyâ banet emen busa,
ne mu o-jware ng kámbé ne bunyîn-dyityém.
Currently Selected:
Sâm 29: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
