Sâm 2
2
Otu mú Osówo o/cá
1Ebóng ńkyí banet ḿbé baa*nyît Osówo* mbe ba-nam m bunwa.
Ebóng ńkyí banet ḿbén mbe ne byibî-ekabe ḿbyí byi*da/byí chwǒm*.
2Batu ebe ne banet-ashí ebe cibicibi
ba-bírî ng bunwa ne Óburúkpâbí ne otu emen mú nyǐ o/cá.
3Ba-raa ng ba/fu, bâ n̂g byi-firi ké byiko eten.
Bâ n̂g byi-né busa ebe.
4Óburúkpâbí mu me ké kakyúng-butu emen ńké kyíbóng,
mu me o-jwó ng ojwóng kámbé.
5Óburúkpâbí o-raa ne mbé kâng ké dyityém-busa
o-chi bushî bu-róng kámbé ké dyityém emen esa.
6O-raa o/fu, nyín otu mú ejí mú me n/cá
n-tî ké kaku-ociring ejí ńké badakó Záyon.
7Otu o-raa o/fu, mîng mě n-sét ńkyí Óburúkpâbí o/fu.
Óburúkpâbí oo/sét mě o/fu,
wo a-chi i wǎn ejí,
kurún, me n/firi bonchí eyên.
8Bí mě, ne me n/chi n-kye ǒ kángkáng eshê nyí ké ejíí.
Ejíí emúmú e/chi e-firi nyí eyên.
9Wo a/chi a-kyú kámbé otu ne kachí ké dyikwâ.
Wo a/chi a-sé kámbé ashí byicê byicê wǎ butí.
10Ké bubwô ámbu kâng, ǎ batu ne banet-ashí,
fwôo n̂g atông kanong kanong
ba-jwo ekó nyí mu n-kuri ng běn.
11-12Chi n̂g ne bushî ńkyí Óburúkpâbí o/sét.
[Ba-tíngê kyísí ba-fé ǎ ne banê ké byiko.]
 kyi*fí éné* nyǐ kyi/chi kyi-sa ǎ,
ne ben ba/chi ba-kpú.
Ké nǎ, kafâ emen kaa*sóng ǎ ebírî*.
Bunyîn-dyityém mbu ne banet ḿbé mbe ba-rem m ké busi emen.
Currently Selected:
Sâm 2: BKY
Highlight
Copy
Compare
Share
Want to have your highlights saved across all your devices? Sign up or sign in
Published by the Bible Society of Nigeria @ 1985
